Ölkə

NASA-nın layihəsində Azərbaycanın ərazi bütövlüyünün pozulması ilə bağlı etiraz məktubu göndəriləcək

13 May 2020 18:17

Baxış: 1 000

#CƏMİYYƏT #NASA

NASA-nın layihəsində Azərbaycanın ərazi bütövlüyünün pozulması ilə bağlı etiraz məktubu göndəriləcək.

Milli.Az Trend-ə istinadən bildirir ki, bunu Xarici İşlər Nazirliyinin (XİN) mətbuat xidmətinin rəhbəri Leyla Abdullayeva NASA-nın layihəsində Azərbaycanın ərazi bütövlüyünün pozulması məsələsinə münasibət bildirərkən deyib.

"NASA-nın layihəsində Azərbaycanın ərazi bütövlüyünün pozulması halından xəbərimiz var. Biz belə hallarda təmasa keçirik və etirazımızı bildiririk, təhrif olunmuş hallar aradan qaldırılır. Bu halla bağlı ABŞ-dakı səfirliyimiz tərəfindən aidiyyəti etiraz məktubunun göndərilməsi nəzərdə tutulub".

Milli.Az