Azərbaycan Respublikası Mədəniyyət Nazirliyinın "Evim-Yeni İş Yerim" adlı layihəsi çərçivəsində Qobustan Milli Tarix-Bədii Qoruğu "Eldən evə-əldən elə" adlı maddi-mədəni irs mövzusunda əl işləri müsabiqəsi elan edir. Müsabiqə üç mərhələdə keçiriləcək. Müsabiqədə iştirak edəcək əl işlərinin fotoşəkilləri ilkin mərhələdə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin və Qobustan Milli Tarix Bədii Qoruğunun əməkdaşlarından ibarət münsiflər heyəti tərəfindən qiymətləndiriləcək. İkinci mərhələdə, karantin rejimi bitdikdən sonra Qobustan Milli Tarix-Bədii Qoruğuna göndərilən əl işləri arasından münsiflər heyəti tərəfindən müsabiqənin qalibi müəyyən olunacaq. Üçüncü mərhələdə isə qoruğa göndərilmiş bütün əl işlərinin sərgi-satışı təşkil olunacaq.
Qalib iştirakçılara Qobustan Milli Tarix-Bədii Qoruğunun sertifikatları təqdim olunacaq.
Əgər Siz də müsabiqədə iştirak edib qalib olmaq, hazırladığınız məhsulların sərgi-satışını həyata keçirmək istəyirsinizsə əl işlərinizin fotoşəklini adınız, soyadınız, əlaqə nömrəniz qeyd edilməklə Qobustan Milli Tarix-Bədii Qoruğunun [email protected]
elektron ünvanına göndərin.
İnformasiya dəstəyi - Trend.az, Milli.az, Day.az