Ölkə

Baş infeksionist xüsusi karantin rejiminin müddəti barədə danışdı

7 Aprel 2020 13:50
3 Şərh     Baxış: 3 709
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Aprelin 20-dək karantinlə bağlı qoyulan qadağalara əməl edilsə, karantin üçün qoyulan bu müddət kifayət edər.

Milli.Az xəbər verir ki, bunu Trend-ə Səhiyyə Nazirliyinin baş infeksionisti Cəlal İsayev deyib.

Onun sözlərinə görə, bu müddət xəstəliyin inkubasion dövrünün 14-20 günə qədər uzanması nəzərə alınmaqla, verilən qərardır:

"Vətəndaşlar könüllü şəkildə bu qadağalara əməl etsələr, onda bu infeksiyanın yayılmasının qarşısı kəskin şəkildə alınar. Çinin 11 milyon əhalisi olan Uhan şəhərində bu qadağalara əməl etməklə epidemiyanın qarşısını aldılar. Biz də karantin qaydalarına ciddi şəkildə əməl etsək, onun qarşısını ala bilərik".

Xatırladaq ki, koronavirus (COVID-19) infeksiyasının yayılmasının qarşısının alınması məqsədilə tətbiq edilən xüsusi karantin rejimi çərçivəsində ölkədə hərəkət məhdudiyyətləri müəyyən olunub.

Əhalinin həyat və sağlamlığının qorunmasını, dövlət qurumlarının və həyat təminatı obyektlərinin fasiləsiz işini, habelə yaranmış vəziyyətdə iqtisadi subyektlərin zəruri həddə fəaliyyətini təmin etmək məqsədilə Azərbaycan Respublikasının Nazirlər Kabineti yanında Operativ Qərargah ölkədə hərəkət məhdudiyyətlərinin 5 aprel 2020-ci il saat 00:00-dan 20 aprel 2020-ci il saat 00:00-dək xüsusi qaydada tətbiqi ilə bağlı qərar alınıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.