Ölkə

Bibiheybətdə çökən yolun istifadəyə veriləcəyi VAXT müəyyənləşdi

3 Mart 2020 13:21
0 Şərh     Baxış: 2 281
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakı-Ələt-Qazax-Gürcüstan ilə dövlət sərhədi avtomobil yolunun Bibiheybət məscidi istiqamətində olan yolda tikinti-bərpa işləri davam edir.

Milli.Az xəbər verir ki, bu barədə Trend-in sorğusuna cavab olaraq Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli deyib.

Onun sözlərinə görə, ərazidə işlərin bir hissəsi başa çatmaq üzrədir:

"Artıq yamacın aşağı hissəsində istinad divarının inşası yekunlaşmaq üzrədir. İstinad divarlarının inşası başa çatandan sonra yamacın ortasında bərkitmə işləri aparılacaq və yolun hərəkət zolaqları bərpa olunacaq".

A.Nəcəfli bildirib ki, ərazidə işlər may ayının sonuna qədər başa çatıdırılacaq.

Xatırladaq ki, ötən il noyabrın 24-də Bakı-Ələt-Qazax-Gürcüstan ilə dövlət sərhədi avtomobil yolunun Bibiheybət məscidi istiqamətində olan yolda sürüşmə baş vermişdi. Hadisə nəticəsində yolun bir hissəsi çökmüş, avtomobillərin hərəkəti məhdudlaşdırılmışdı. Yolda hərəkət bərpa olunsa da, yolun tam istifadəyə verilməsi üçün Azərbaycan Avtomobil Yolları Dövlət Agentliyi təmir-bərpa işlərinə başlayıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.