Ölkə

“Sənin yoldaşını mən sevirdim, amma sənə qismət oldu” deyən şəxsi güllələdi - MƏHKƏMƏ

28 Yanvar 2020 18:26
6 Şərh     Baxış: 7 264
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Hacıqabul rayonunda qohumuna odlu silahdan atəş açaraq öldürmək istəməkdə təqsirli bilinərək məhkum olunan Soltanov İxtiyar Tofiq oğlunun kassasiya şikayətinə baxılıb. 

Milli.Az oxu.az-a istinadən xəbər verir ki, Ali Məhkəmənin hakimi Əli Seyfəliyevin sədrliyi ilə keçirilən prosesdə qərar elan edilib. 

Qərara əsasən, onun şikayəti təmin edilməyib. 

Qeyd edək ki, hadisə Hacıqabul rayonunun Nəvahi qəsəbəsində baş verib. 2014-ci il mayın 29-u gecə saat 4 radələrində Hacıqabul rayonu Nəvahi qəsəbəsinin ərazisində yerləşən "Nur" kafesində qəsəbə sakini İxtiyar Soltanov münaqişə zəminində ov tüfəngindən atəş açaraq qohumu, Salyan rayon sakini Mikayıl Əzizova xəsarət yetirib.

İ.Soltanov könüllü olaraq Hacıqabul RPŞ-yə gələrək təslim olub və hadisəni törədərkən istifadə etdiyi, müvafiq sənədləri olmayan "TOZ-12" markalı tüfəngi təhvil verib.

Araşdırmalar zamanı məlum olub ki, İxtiyarı tüfəngə əl atmağa qısqanclıqdan doğan köhnə ədavət vadar edib. Güllələnən Mikayıl əvvəllər İxtiyarın həyat yoldaşını sevirmiş.

Hadisə baş verən günü də Mikayıl İxtiyarın işlədiyi vulkanizasiya sexində söhbət edən zaman köhnə sevgisi onu dilə gətirib. Onun İxtiyara "sənin yoldaşını mən sevirdim, amma sənə qismət oldu" deməsi qanlı hadisə üçün qığılcım olub. Tüfəng götürüb gələn İxtiyar Mikayılı elə sexinin yaxınlığındakı marketdən bayıra çağırıb atəş açıb. İki güllə Mikayılın daxili orqanlarını zədələyib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.