Abşeron rayonunun Məhəmmədi kəndində elektrik enerjisinin verilişində fasilələr yaranıb.
Milli.Az problemlə bağlı "Azərişıq" ASC-nin mətbuat xidmətinin rəhbəri Tanrıverdi Mustafayevlə əlaqə saxlayıb.
Qurum rəsmisi fasilələrin əsl səbəbini açıqlayıb:
"İki aydır Zabrat yarımstansiyasından iki dövrəli xətt çəkilir Məhəmmədiyə. Digah, Pirşağa, Kürdəxanı, hamısı Məhəmmədi yükünü çəksin ki, Məhəmmədidə qış aylarında problem olmasın. Elektrik enerjisinin verilişində yaranan fasilələrin səbəbi bundan ibarətdir. Ayın axırına qədər belə fasilələr yaranacaq. İndi göstəriş verərik, elektrik enerjisinin verilişindəki fasilələri qısa-qısa eləsinlər ki, vətəndaşlara da çətinlik yaratmasın".
Təhməz Təkin
Milli.Az