Ölkə

Gəncədə 25 yaşlı oğul atasını qətlə yetirdi - TƏFƏRRÜAT

16 Noyabr 2019 11:06
7 Şərh     Baxış: 2 699
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gəncədə qətl hadisəsi törədilib.

Milli.Az Trend-ə istinadən xəbər verir ki, hadisə şəhərin Cavadbəy Şıxlinski küçəsi 26, ev 1, mənzil 3-də baş verib.

Həmin ünvanda yaşayan, əvvəllər məhkum olunmuş, 1994-cü il təvəllüdlü Dadaşov Yusif Mübariz oğlu sərxoş vəziyyətdə yaşadığı evə gələrək atası, 1967-ci il təvəllüdlü Dadaşov Mübariz Yusif oğlu ilə mübahisə edib. Mübahisə nəticəsində Y. Dadaşov mətbəx bıçağı ilə atasına bir neçə bıçaq zərbəsi endirib.

M.Dadaşov aldığı xəsarətlərdən xəstəxanada dünyasını dəyişib.

Baku.ws-in əldə etdiyi məlumata görə, ata və oğul tikintidə çalışırmış. Hadisə baş verən zaman 25 yaşlı Yusif Dadaşov içkili vəziyyətdə olub.

Buna əsəbləşən ata oğluna yatmağı və sabah işə gedəcəklərini xatırladıb. Nəticədə ata ilə oğul arasında mübahisə baş verib. Bu zaman oğul bıçaqla M.Dadaşova bir bıçaq zərbəsi endirib.

Faktla bağlı Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb və hadisəni törədən şəxs saxlanılıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.