Ölkə

“Atama silah verdim ki, əsir düşsə, özünü öldürsün” - Aqil Abbas

23 İyul 2019 15:45
4 Şərh     Baxış: 3 297

Bu gün Azərbaycanın Ağdam rayonunun işğalından 26 il ötür. 1993-cü il iyulun 23-də Ermənistan silahlı qüvvələri Qarabağın mərkəzində yerləşən Ağdamın böyük hissəsini işğal edib. Ərazisi 1094 kv.km olan Ağdamın 846,8 kv.km-i, yəni 77,4%-i, bir şəhər və 80 kəndi ermənilərin əlinə keçib.

Ağdam şəhəri, onun qədim keçmişin şahidi olan çox sayda tarixi abidələri, mədəniyyət, memarlıq nümunələri, keçmiş SSRİ-də 1-ci, dünyada 2-ci olan Çörək muzeyi düşmən tərəfindən vəhşicəsinə dağıdılıb. Ağdam düşmənlə döyüşlərdə 6 min şəhid verib, onlardan 16-sı Milli Qəhrəmandır. İşğal nəticəsində 160 min nəfər əhalidən 143 min nəfəri öz ölkəsində məcburi köçkünə çevrilib. 

Milli Məclisin deputatı Aqil Abbas Ağcabədidə dünyaya gəlsə də, özünü ağdamlı hesab edir.

Milli.Az xəbər verir ki, 10 yaşında Ağdamda yaşayan A.Abbas azvision.az-a bildirib ki, orada sonuncu dəfə 21 iyul 1993-cü ildə olub. 

"Evimizə getmişdik. Ağdamda qızğın müharibə gedirdi, atam da orda idi. Atam Ağdamın Şıxbabalı kəndində işləyirdi. İyulun 21-də Bakıya qayıtdım. Sonra eşitdim ki, Ağdam işğal olunub. Atam Ağdamın işğal olunduğunu bilməyib. Ona əsir düşməməsi üçün silah vermişdim. Demişdim ki, əsir düşəcəksə, özünü öldürsün. Lakin atamı oradan çıxarmışdılar". 

Deputat Ağdam barədə xatirələrinin olmadığını söyləyib: "Həmişə dediyim bir söz var: mənim Ağdamla bağlı heç bir xatirəm yoxdur. Ona görə ki, ölən adamlar haqqında xatirələr olur. Ağdam ölməyib ki, onun haqqında xatirəm olsun. Ağdam yaşayır, ola bilsin ki, bizlər ölmüşük. Ağdamda hazırda heç nə qalmayıb, hər şey dağıdılıb. Heç nə olmaz, binalar tikilər, hər şey bərpa olunar. Amma ağdamlılığı yenidən qurmaq, o insanları qaytarmaq çətin olacaq. Bir gün ağdamlılar ora qayıdacaqlar. Buna hər kəsi inandırıram. Mən də Ağdama gedəcəyəm və hamını qonaq çağıracağam". 

Milli.Az

Şərh yaz:

4 Şərh:

  • Anonim
    Ağdam · 23 İyul 16:02132

    Məni sevən məni tərk etməzdi. Döyüşüb ya şəhid, ya qazi olardı !

    Cavab yaz
    • Anonim
      cvb · 23 İyul 16:1672

      Sənin daşına-torpağına minlərlə Şəhid qurban getdi. Sitəm etmə, ölməmək üçün tərk edib amma hələ də sevənlərin var. Orda ölüb qalanlar da, özü ilə səni ürəyində Bakıya gətirənlər də var, mənim kimi.... Bəzən tərk etmək sevməmək deyil, qoynunda yaşayıb qədrini bilməməkdi sevməmək

      Cavab yaz
  • Anonim
    Eldəniz · 23 İyul 17:5131

    Allah Şirin Mirzəyev və onun timsalında olan bütün komandir və şəhid esgerlerimize rəhmət eləsin .

    Cavab yaz
  • Anonim
    BM · 23 İyul 18:1160

    Utanmasan oynamağa ne varki

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.