Bir neçə gündür ölkə ərazisində müşahidə edilən yağıntılı hava şəraiti kənd təsərrüfatına ziyan vurmayıb.
Milli.Az bildirir ki, bunu Trend-ə Kənd Təsərrüfatı Nazirliyinin mətbuat xidmətinin rəhbəri Vüqar Hüseynov deyib.
V.Hüseynov bildirib ki, nazirliyin mütəxəssisləri yağıntılı hava şəraiti ilə əlaqədar rayonlarda təsərrüfatlara baxış keçirib:
"Yalnız Göygöl, Qusar, Yardımlı rayonlarında fərdi təsərrüfatlara qismən zərər dəydiyi müəyyənləşib. Amma bu zərər ümumi kənd təsərrüfatı sahəsini əhatə etmir. Təxminən dolu ilə əlaqədar 10 hektarlıq bir sahədə və 20 sotluq digər ərazidə taxıla ziyan dəyib".
Milli.Az