Ölkə

Sürücülük etibarnaməsi ilə bağlı vacib YENİLİK

24 May 2019 17:45
1 Şərh     Baxış: 2 550

Azərbaycanda avtomobillərin idarə olunması ilə bağlı etibarnamənin verilməsi xidməti elektronlaşdırılıb.

Milli.Az ONA-a istinadla xəbər verir ki,  bunu "Reaktiv Xidmətlərdən Proaktiv Xidmətlərə" adlı "myGov" portalının (my.gov.az) təqdimat mərasimində çıxış edən Elektron Hökumətin İnkişaf Mərkəzinin direktoru Fariz Cəfərov deyib.Onun sözlərinə görə, artıq istifadəçilər "myGov" portalında olan "Şəxsi kabinet" vasitəsilə avtomobil sahibləri istədikləri şəxsə avtomobilin etibarnaməsini verə biləcəklər.
"Xidməti istifadə etdikdə avtomobil və etibarnamənin kim tərəfindən veriləcəyi seçilir, daha sonra etibarnamə veriləcək şəxsin fərdi identifikasiya nömrəsi seçilir və "davam et" düyməsi vurulur. Qeyd edim ki, etibarnamənin müddəti birillikdir. Etibarnamə verilən şəxsin sürücülük vəsiqəsinin müddəti bir ildən az olduğu halda, etibarnamə yalnız qalan müddətə verilir", - deyə F. Cəfərov qeyd edib.
 
Mərkəzinin direktoru həmçinin bildirib ki, bu xidmət üzrə rüsumu hər iki tərəf ödəyə bilər və ödənişlə bağlı tərəflərin "Şəxsi kabinet"lərinə müvafiq bildirişlər göndəriləcək.

Milli.Az

loading...

Şərh yaz:

1 Şərh:

  • Anonim
    VƏTƏNDAŞ · 24 May 17:5000

    GÜRCÜSTANDA ETİBARNAMƏ YOXDUR TEXPASPORTU GÖTÜR HARA İSTƏYİRSƏN GEDƏ BİLƏRSƏN YALNIZ ÖLKƏDƏN CIXANDA TƏLƏB OLUNUR.TEXNİKİ BAXIŞ İSƏ LƏĞV EDİLİB BU KİMƏ LAZIMDIR NÜMUNƏ GÖTÜRÜN QARDAŞ.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.