Ölkə

Bakıda lombardda külçə fırıldağı - Qızıl adı ilə dəmir verdi, 40 min qabağa düşdü

22 Aprel 2019 14:49
1 Şərh     Baxış: 2 535
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakıda fəaliyyət göstərən lombardlardan birinin sahibi dələduzun qurduğu iriməbləğli kələyin qurbanına çevrilib.

Milli.Az xəbər verir ki, bu barədə Oxu.az-a Yasamal rayon Polis İdarəsindən məlumat verilib.

29-cu polis bölməsinin əməkdaşları Moskva prospektində yerləşən lombardın hüquqşünası Vüsal Məmmədovdan daxil olan şikayəti araşdırır.

Şikayət ərizəsinə əsasən, bir neçə gün əvvəl 60 yaşlı Bakı sakini Tofiq İsmayıl adlı sakin lombarda gəlib. O, 19 qızıl külçəsi girov qoyaraq, 41 363 manat məbləğində borc götürüb. Qızıl külçələrin hərtərəfli araşdırılmasından sonra onların heç də qızıldan olmadığı məlum olub. Metal külçələr, sadəcə, qızıl suyuna salınıb.

Polis bölməsindən bildiriblər ki, hələlik fakt üzrə heç kəs saxlanılmayıb, müsadirə olunmuş külçələr ekspertizaya təqdim olunub.

"Qaydalara görə, lombardda peşəkar zərgər işləməlidir, qiymətli əşyaların qəbuluna görə cavabdeh olmalıdır. İndiki halda belə bir mütəxəssis olsaydı, fırıldaqçının bu əməli də baş tutmazdı. Ancaq çox vaxt görürük ki, biznesmenlər öz yanlarına peşəkarlıqdan anlayışı olmayan qohumlarını və tanışlarını işə götürür", - deyə polis bölməsindən bildiriblər.

Başqa bir iri dələduzluq hadisəsini Nəsimi rayon Polis İdarəsinin müstəntiqləri araşdırır.  Şikayətçi zərgərlik dükanının 32 yaşlı sahibi Valeh Rəhimovdur. Sahibkar əmin edir ki, işçisi 120 min dollar dəyərində qızıl-zinət əşyalarını mənimsəyib. Hələlik şübhəlinin günahı sübuta yetirilmədiyindən adı açıqlanmır. Müstəntiqlər qadının dələduzluqda iştirak edib-etmədiyini araşdırır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.