Ölkə

Taksidə siqaret çəkməyin! - Polis 50 manat cərimələyəcək

20 Aprel 2019 17:39
2 Şərh     Baxış: 1 056

Taksidə tütündən istifadə edən fiziki və hüquqi şəxsləri qırx manatdan əlli manatadək məbləğdə cərimə gözləyir.

Milli.Az xəbər verir ki, bu barədə Baş Dövlət Yol Polisi İdarəsinin şöbə rəisi, polis polkovnik-leytenantı Rüfət Quliyev məlumat verib.

Onun sözlərinə görə, Baş Dövlət Yol Polisi İdarəsi tütündən istifadənin zərəri, ətraf mühitdəki tütün tüstüsünün ziyanlı təsiri, eləcə də nəqliyyat vasitəsində tütündən istifadənin yol hərəkəti təhlükəsizliyi baxımından yarada biləcəyi məqamlarla bağlı taksi fəaliyyəti ilə məşğul olan şəxslərə müarciət edib:

"Taksi fəaliyyəti ilə məşğul olan fiziki və hüquqi şəxslər bilməlidir ki, sürücünün nəqliyyat vasitəsinin salonunda tütün çəkməsi sərnişinlərin də iradəsindən asılı olmayaraq tütün tüstüsü qəbul etmələrinə və tibbi baxımdan passiv iştirakçı qismində daha çox zərər görmələrinə şərait yaradır.

Eyni zamanda, təcrübə göstərir ki, tütündən istifadə əksər hallarda sürücünün diqqətinin yayınmasına gətirib çıxarır ki, bu da son nəticədə yol-hərəkəti qaydalarının pozulmasına, qəzaların, hətta avtomobildə yanğın hadisəsinin baş verməsinə səbəb ola bilər.  

Baş Dövlət Yol Polisi İdarəsi tütündən istifadənin zərərli təsirləri barədə məlumat verməklə yanaşı, taksi fəaliyyəti ilə məşğul olan fiziki və hüquqi şəxslərə xatırladır ki, qanunvericiliyin tələbinə əsasən, taksi minik avtomobilində tütün çəkilməsinə görə - qırx manatdan əlli manatadək məbləğində cərimə nəzərdə tutulur".

Milli.Az 

loading...

Şərh yaz:

2 Şərh:

  • Anonim
    şahnaz · 20 Aprel 18:3510

    Bəs nəqliyyat avtobusunda siqaretçəkən sürücüyə niyə şamil edilmir?

    Cavab yaz
  • Anonim
    ... · 20 Aprel 18:4410

    Kas lift de de siqaret çəkənlər ucun cərimə olaydi. Ölerler ele bil 2deq sonra kucede veya evlerinde siqaret çəseler.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.