Ölkə

Özlərini apara bilməyən şəhər sakinləri - VİDEO - FOTO

16 Aprel 2019 17:54
3 Şərh     Baxış: 2 102

Paytaxtımızın park və küçələri bəzi vətəndaşların tullantı yerinə çevrilir. Bu günlərdə Bakıda parkda tum çırtlayaraq, yeri zibilləyən qadın ictimai qınağa səbəb olub. Videonu izləyənlər gənc valideyni tənqid edərək övladına pis örnək olduğunu bildiriblər.

Milli.Az xəbər verir ki, ARB TV-nin "Günə doğru" proqramı mövzu ilə bağlı maraqlı süjet hazırlayıb.

Rəşad Əsgərov - Sosioloq: "İnsanlar işlətdiyi ərzaq məhsulları olsun, yaxud da müəyyən tullantı məhsulları olsun, küçələrə atırlar, xiyabanlarda yerə atırlar. Bununla da şəhəri çirkləndirirlər. amma təsəvvür edin bütün insanlar belə çirkabları küçələrə, xiyabanlara atarlarsa, onda şəhər bir xarabalığa çevrilər, sivil bir cəmiyyətdən, sivil bir şəhərdən, parkdan danışmaq mümkün olmaz".

Aydınxan Əbilov - Kulturoloq: "Şəhərdə yaşayan insanlar ağına-bozuna baxmadan şəhərimizi çirkləndirməklə məşğuldur. Ən qəribəsi budur ki, son yayılmış videoda da görünür bunu edən analardır. Buna baxan uşaq ananı zibillədiyi şəhərdə sabah o daha başqa zibillər törədəcək, ekologiyanı pozacaq".

Şəhəri zibilləmək Azərbaycan respublikası qanunvericiliyinə əsasən inzibati xəta hesab olunur və 50 manat məbləğində cəriməyə səbəb ola bilər.

Samir Qasımov - Vəkil: "Bu halı əgər kimsə görürsə, müəyyən edirsə ki, kimsə küçəni batırdı, həmin hadisənin şəklini çəkə. Şəkli polisə və digər orqanlara göndərərək, həmin şəxsin cəzalandırılmasını tələb edə bilər".

Bu şəhər hamımızın 2-ci evidir. Evimizi necə təmiz saxlayırıqsa, şəhəri də elə saxlamalıyıq.

Ekspertlər deyir ki, bu məsələdə ictimai qınaq da böyük önəm kəsb edir. Hər bir kəs qarşılaşdığı belə xoşagəlməz hallara qarşı öz mənfi reaksiyasını bildirməlidir.

Problemin birdəfəlik həllinə gəlincə ekspertlər hesab edir ki, əhali arasında maarifləndirmə işi aparmaq lazımdır. Həmçinin, müəyyən sosial reklamlar olmalıdır ki, əhali maariflənsin. Bəlkə bundan sonra bəzi insanlar zibili yerə yox, zibilqutusuna atar.

Milli.Az

Videonu izləmək üçün şəklə klikləyin:
Özlərini apara bilməyən şəhər sakinləri

Məqaləyə dair fotomateriallar:

loading...

Şərh yaz:

3 Şərh:

  • Anonim
    Anonimka · 16 Aprel 20:5700

    Hamı zibil atır, yaşlı və ya cavan. Ən çox da maşın sürənlərin maşının pəncərəsindən butulkanı yol qırağına atmağı məni əsəbləşdirir. Cəriməni artırmaq lazımdır.

    Cavab yaz
  • Anonim
    Bahar · 17 Aprel 00:4711

    Şəhəri zibilləmək əlbəttə ki tərbiyəsizlikdi.Amma bir qadını gizli çəkib internetdə yaymaq ondan böyük tərbiyəsizlikdi.O xanım kimi yüz minlərlə adam şəhəri zibilləyir.Xəbərdarlığı çəkilişsiz də etmək olardı.Elə o videonu çəkənin də anası bacısı yoldaşı da əlindən yerə bir şey atdığı yerdə kimsə gizlin çəkib netdə yaya bilər.

    Cavab yaz
  • Anonim
    aaa · 17 Aprel 09:4691

    Hardan bildiz ki,şəhər sakinidir? Bəlkə gəlmədir???

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.