Ölkə

Vəkil olmaq istəyən 171 nəfər növbəti mərhələyə keçdi

31 Mart 2019 12:36

0 Şərh Baxış: 621

#IMTAHAN #VƏKİL

Dövlət İmtahan Mərkəzi (DİM) 2019-ci il martın 30-da Vəkillər Kollegiyasına üzv olmaq istəyən namizədlər üçün test imtahanı keçirib.

DİM-dən Milli.Az-a verilən məlumata görə, Vəkillər Kollegiyası ilə birgə keçirilən imtahan saat 10.00-da başlayıb və 3 saat davam edib. İmtahan kompüterlər vasitəsilə elektron qaydada aparılıb. Namizədlər imtahanı bitirdikdən dərhal sonra onlara nəticələri haqqında arayış təqdim olunub.

Xatırladaq ki, imtahanda iştirak etmək üçün 238 namizəd qeydiyyatdan keçib. 2 namizəd imtahana gəlməyib. İmtahanda iştirak edən 236 namizəddən 171 nəfər müsabiqə şərtini ödəyərək - 60 və daha yüksək bal toplayaraq ikinci mərhələyə - müsahibəyə buraxılıb.

Milli.Az