Ölkə

Vidadi Zeynalov azadlığa buraxıldı

15 Mart 2019 14:54
1 Şərh     Baxış: 3 363

Keçmiş Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov azadlığa buraxılıb.

Milli.Az Trend-ə istinadən bildirir ki, Sabunçu Rayon Məhkəməsi onun azadlığa buraxılması barədə qərar qəbul edib.

Qərarda deyilir ki, V.Zeynalov cəzasının 4/5 hissəsini çəkib.

Barəsində 2017-ci il iyulun 27-də Bakı Ağır Cinayətlər Məhkəməsinin hökmü ilə 13 il müddətinə azadlıqdan məhrumetmə cəzası seçilən Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov qulluq mövqeyindən sui-istifadə edərək nazirliyin strukturuna daxil olan ayrı-ayrı qurumların vəzifəli şəxsləri ilə qabaqcadan razılaşmaqla həmin strukturlar tərəfindən işlərin görülmədiyi özəl şirkətlər tərəfindən saxta sənədlər əsasında rəsmiləşdirməsini təmin etməklə müvafiq müəssisələrin ayrı-ayrı banklardakı hesabına köçürülmüş 73 milyon 590 min manat pul vəsaitinin nağdlaşdırılmaqla mənimsənilməsini və israf edilməsinin təşkilində təqsirləndirilib.

Ötən ilin noyabrında V.Zeynalov apelyasiya şikayəti verib və məhkəmənin hökmü ilə keçmiş Aparat rəhbərinin cəzası 4 ilə endirilib.

Milli.Az

loading...

Şərh yaz:

1 Şərh:

  • Anonim
    Fu · 15 Mart 23:4610

    73 miliyon ye,sonra da azadliq.Cox mentiqli qerardi.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.