Ölkə

Cocuq Mərcanlıda yeni müəssisə açılıb

13 Mart 2019 20:01
1 Şərh     Baxış: 368

Cəbrayıl rayonunun işğaldan azad edilmiş Cocuq Mərcanlı kəndində yeni müəssisənin açılışı olub.

Milli.Az bildirir ki, bunu Trend-ə Cəbrayıl Rayon İcra Hakimiyyətinin başçısı Kamal Həsənov deyib.

K.Həsənov bildirib ki, İqtisadiyyat Nazirliyinin, Türkiyənin Azərbaycandakı səfirliyinin, Türkiyə İş Adamları Birliyinin iştirakı ilə bal emalı müəssisəsinin açılışı olub, eyni zamanda Cocuq Mərcanlıda istehsal olunan məhsulların satışını həyata keçirəcək səyyar mağaza istifadəyə verilib.

İcra Hakimiyyətinin başçısı vurğulayıb ki, müəssisədə bal emal edilərək qablaşdırılacaq və Cocuq Mərcanlı markası altında satışa çıxarılacaq.

Bundan əlavə hazırda tikintisi davam edən suvenir müəssisəsində də istehsal ediləcək məhsullar həm yerli, həm də xarici bazarlarda satışa çıxarılacaq.

Qeyd edək ki, ötən ilin dekabr ayında Cocuq Mərcanlıda istirahət parkı da əhalinin istifadəsinə verilib.

Prezident İlham Əliyevin 2017-ci il 15 iyun tarixli sərəncamına əsasən, Cocuq Mərcanlıda aparılan tikinti-bərpa işlərinin birinci mərhələsində yeni salınan qəsəbədə 50 fərdi yaşayış evi, 96 şagird yerlik ümumtəhsil məktəbi, məscid, elektrik yarımstansiyası, hidrometeoroloji stansiya inşa edilib, qaz, elektrik, içməli su xətləri, ümumi uzunluğu 9 kilometr olan avtomobil yolu çəkilib. İkinci mərhələdə isə Cocuq Mərcanlıda 100 ev və digər sosial obyektlər tikilib.

Milli.Az 

loading...

Şərh yaz:

1 Şərh:

  • Anonim
    Süleyman · 13 Mart 21:0400

    Belə müəssisə nəinki Cocuq Mərcanlının, hətta bütün Azərbaycanın iqtisadiyyatının dayağı ola bilərdi! Ancaq yaddan çıxarılır ki, balı arılar emal olunmuş və istifadəyə hazır vəziyyətdə hazırlayırlar.Ancaq balı adi tərəzidə çəkib qablara dolduraraq əl ilə ağzını bağlamaq hər müəssisənin imkanı daxilində olmur.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.