Ölkə

ÜST Azərbaycanda tibbi xidmətlərin əlçatanlığı ilə bağlı maneələri qiymətləndirir

13 Mart 2019 15:57
0 Şərh     Baxış: 487

Ümumdünya Səhiyyə Təşkilatının (ÜST) ekspertləri Azərbaycanda uşaq və yeniyetmələr üçün tibbi xidmətlərin əlçatanlığı ilə bağlı ortaya çıxan maneələri qiymətləndirir.

Milli.Az xəbər verir ki, bu barədə Trend-ə ÜST-nin Azərbaycan üzrə ofisindən məlumat verilib.

Ofisdən bildirilib ki, bu məqsədlə təşkilatın Avropa Ofisininin reproduktiv sağlamlıq üzrə mütəxəssislərdən ibarət nümayəndə heyəti Azərbaycana səfərə gəlib.

Səfərin məqsədi Ümumdünya Səhiyyə Xidmətlərinin Təminatı çərçivəsində cinsi, reproduktiv, ana, yenidoğulan, uşaq və yeniyetmə sağlamlığı (SRMNCAH) xidmətlərini qiymətləndirmək, bu xidmətlərin əlçatanlığını dəyərləndirmək və potensial maneələri aşkarlamaqdır.

Səfər çərçivəsində heyət artıq UNICEF, BMT-nin Əhali Fondu, ÜST-nin Azərbaycandakı nümayəndəliyi, Respublika Perinatal Mərkəzi, Səhiyyə Nazirliyi, Tibb Universitetində görüşlər keçirib və 5 saylı uşaq poliklinikasındakı şəraitlə yaxından tanış olublar.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.