Ölkə

Altı il əvvəl arvadını öldürüb su hövzəsinə atıb - Dəhşətli cinayətin üstü açıldı - YENİLƏNİB - FOTO

4 Mart 2019 18:01

6 Şərh Baxış: 3 133

#CƏMİYYƏT #KRİMİNAL #QƏTL

18:01

Polis və prokurorluq orqanları tərəfindən keçmiş illərdən bağlı qalmış ağır cinayətin üstü açılıb.

Daxili İşlər Nazirliyindən Milli.Az-a verilən məlumata görə, həyata keçirilmiş istintaq hərəkətləri və əməliyyat-axtarış tədbirləri nəticəsində 2013-cü ilin yanvarın 6-dan itkin düşmüş şəxs kimi Səbail Rayon Polis İdarəsinin (RPİ) 8-ci Polis Bölməsi (PB) tərəfindən axtarışa verilən Kamilə Cəfərovanın həyat yoldaşı, Qobustan qəsəbə sakini Nazim Cəfərov tərəfindən qətlə yetirildiyi müəyyən edilib.

N.Cəfərov Səbail Rayon Polis İdarəsinin əməkdaşları tərəfindən saxlanılaraq istintaqa təhvil verilib.

Araşdırma zamanı müəyyən edilib ki, N.Cəfərov 2012-ci ilin sonlarında yaşadığı Qobustan qəsəbəsində K.Cəfərovanı kəsici alətlə qətlə yetirəndən sonra meyitini qəsəbə ərazisindəki su hövzəsinə atıb.

2013-cü ilin noyabrın 20-də qadının meyiti qeyd edilən yerdən çürümüş vəziyyətdə aşkar edilsə də, həmin vaxt onun şəxsiyyətini müəyyən etmək mümkün olmayıb.

Faktla bağlı Cinayət Məcəlləsinin 120.1 (Qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi başlanılıb. Saxlanılan şəxs barəsində məhkəmənin qərarı ilə həbs qətimkan tədbiri seçilib.

11:58

Bakıda 6 il əvvəl arvadını öldürüb basdıran kişi tutulub.

Milli.Az report-a istinadən xəbər verir ki, 2013-cü ildə həyat yoldaşı 1982-ci il təvəllüdlü Kamilə Cəfərovanı qətlə yetirərək Qobustan qəsəbəsində basdıran həyat yoldaşı 1980-ci il təvəllüdlü Nazim Cəfərov saxlanılıb.

Fakt üzrə araşdırmalar davam etdirilir.

Milli.Az