Ölkə

Gürcüstan nömrəli maşın sürənlərə pis xəbər: DYP hərəkətə keçdi

13 Fevral 2019 15:22
5 Şərh     Baxış: 3 301

"Son vaxtlar Gürcüstan dövlət qeydiyyat nişanlı avtomobillərinin sayı paytaxt Bakıda çoxalıb. Sürücülər arasında sanki bir dəb halını alıb ki, bu ölkəyə məxsus olan qeydiyyat nişanlı avtomobil ilə hər hansı qayda pozduqda radar və kameralar bunu aşkar etsə də sürücülər bu vəziyyətdən asanlıqla çıxırlar." 

Milli.Az xəbər verir ki, bunu avtosfer.az-a yol hərəkəti təhlükəsizliyi üzrə ekspert Elməddin Muradlı deyib.

Onun sözlərinə görə, bəzən 5000-10000 manata qədər cərimə dəyərində qayda pozsalar belə maşını Gürcüstana keçirir, yeni nömrə alaraq Azərbaycana qayıdırlar. 

"Bu tendensiya həqiqətən də əvvəllər baş verib. Lakin biz Avtosfer.az saytı olaraq Baş Dövlət Yol Polisi İdarəsi ilə müzakirələr aparmışıq. Belə bir nəticə ortaya çıxdı ki, hazırda bu əməllərə yol verən sürücülər heç də məsuliyyətdən kənarda qalmır. DYP əməkdaşları həmin nəqliyyat vasitələrini saxladıqda onun ban və şassi nömrələrini Mərkəzi Məlumat Sistemində yoxlamaqla əvvəlki cərimələrini də üzə çıxara bilirlər. Artıq son günlər onlarla belə avtomobil saxlanılıb və məlum olub ki, onların əksəriyyəti bir neçə dəfə Gürcüstanda dövlət qeydiyyat nişanını dəyişib. Bununla belə YPX əməkdaşları həmin avtomobilləri cərimə meydançasına aparır və cərimələri ödədikdən sonra sürücülər nəqliyyat vasitələrini götürə bilir."

Elməddin Muradlı deyir ki, çox təssüflər olsun ki, Gürcüstanda yaşayan həmvətənlərimiz həmin ölkədə bütün yol hərəkəti qaydalarına əməl edirlər. "Azərbaycandan Gürcüstana gedəndə sərhəddi keçən kimi təhlükəsizlik kəməri taxır, qaydalar çərçivəsində sürürlər. Amma nədənsə Azərbaycan ərazisində özlərini "toxunulmaz" sayır və çox kobud qayda pozuntularına yol verirlər. Hətta 15, 17 min manat məbləğində cəriməsi olanlar var. Bəziləri məsuliyyətdən yayınmaq üçün Gürcüstanın Azərbaycandakı səfirliyinə müraciət ediblər. Amma nəzərə almaq lazımdır ki, qaydaları pozanlar mütləq şəkildə cəzalanacaq." 

Qeyd edək ki, Baş Dövlət Yol Polisi İdarəsi Avtosfer.az saytı vasitəsilə bu cür qayda pozan sürücülərə müraciət edərək bunun heç bir faydasının olmayacağını diqqətə çatdırır və qaydalara əməl etməyə çağırır.

Milli.Az

loading...

Şərh yaz:

5 Şərh:

  • Anonim
    patriot · 13 Fevral 15:3531

    Ən yaxşısı həmin nəqliyyat vasitələrini kimi idarə etdiyindən sonra qərar vermək lazımdır soydaşlarınızla baglı.cünki həmin maşınların coxusunu gürcüstan vətandaşlarıının adına alınır və daha sonra Azərbaycanda etibarnamə ilə idarə edirlər sonda da bu cür məlumatları ekspertləriniz düzgün təhlil edə bilmirlər

    Cavab yaz
  • Anonim
    fg · 14 Fevral 15:5720

    birdefelik buraxmasınlarda Azerbaycana. Baxsınlar gurcuduse gelsin, deyilse geriye

    Cavab yaz
  • Anonim
    rd · 14 Fevral 15:5920

    neye gelirler ve niye gelirler. Baglansın serhed onlar ucun. Ora vetendasıdı ordada qalsın.

    Cavab yaz
  • Anonim
    gh · 14 Fevral 16:4120

    orani batiriblar indi bizim gul kimi olkeni korlamaga gelirler. Qaydamiz var qanun var. Suruculerimiz telim terbiyeli. Dagdan dasdan dusub dereden cixanlari niye buraxiriq bura. Belkede olkelerinde asfalt yolda yoxdu hec

    Cavab yaz
  • Anonim
    xx · 14 Fevral 16:5420

    yazığımız gelir, həmvətən deyirik, derede qalmışlara, olkemize buraxırıq bunlarda sagol deyib bize dua etmekden gelib min hoqqadan cixirlar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.