AMEA-nın Geologiya və Geofizika İnstitutunun Palçıq vulkanizmi şöbəsinin əməkdaşları Şamaxı rayonunda vulkan püskürən əraziyə yollanıb.
Milli.Az xəbər verir ki, bu barədə report-a açıqlamasında həmin şöbənin rəhbəri, geologiya-mineralogiya elmləri doktoru, professor Adil Əliyev məlumat verib.
O, bildirib ki, hazırda əməkdaşlar təbiət hadisəsinin Quşçu kəndindədir: "Quşçu kəndinin yaxınlığında püskürən vulkanın adı "Quşçu" vulkanıdır. Ümid edirik ki, vulkan püskürməsi o qədər də güclü olmayıb".
AMEA nəzdində Respublika Seysmoloji Xidmət Mərkəzindən (RSXM) isə "Report"a bildirilib ki, vulkan püskürməsi yerli vaxtla 06:25-də qeydə alınıb: "Püskürmə 1 dəqiqə 30 saniyə davam edib".
Milli.Az