Ölkə

Bakıda bu avtobuslar pulsuz Wi-Fi xidmətinə qoşulub

12 Fevral 2019 18:44
1 Şərh     Baxış: 1 568

Bakıda 18 saylı marşrut xətti üzrə hərəkət edən avtobuslar pulsuz Wi-Fi xidmətinə qoşulub.

Milli.Az Trend-ə istinadən bildirir ki, "Xaliq Faiqoğlu" MMC-nin "Safcell" şirkəti ilə əməkdaşlıq müqaviləsi çərçivəsində 2 aylıq test mərhələsi uğurla başa çatıb və avtobuslarda pulsuz Wi-Fi xidmətinin qoşulmasına başlanılıb.

İlkin olaraq 18 saylı marşrut xətti üzrə hərəkət edən və Avro-5 standartlarına cavab verən avtobuslarımızın hamısı bu cihazlarla təmin edilib. Sərnişinlər bir dəfə qeydiyyatdan keçməklə istənilən vaxt (qeydiyyatdan keçdikləri cihazla) ödənişsiz internet imkanından faydalana bilərlər. Belə ki, MMC-yə məxsus olan hər hansı avtobusda pulsuz Wi-Fi xidmətinə qoşulmuş şəxslər şirkətin istismarında olan digər marşrut xətlərindən istifadə edərkən qeydiyyatdan keçməli olmayacaq və mobil cihazları avtomatik olaraq internetə qoşulacaq.

Yaxın günlərdə "Xaliq Faiqoğlu" MMC-nin istismarında olan və "BakıKart" sisteminə qoşulmuş digər xətlərdə də Wi-Fi cihazları quraşdırılacaq.

Milli.Az 

loading...

Şərh yaz:

1 Şərh:

  • Anonim
    gizli · 12 Fevral 23:3200

    elllllaaaaa

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.