Ölkə

Kamal Abdulla qalmaqallı dekanı işdən çıxardı

12 Fevral 2019 12:41
2 Şərh     Baxış: 2 542

Azərbaycan Dillər Universitetinin filologiya və jurnalistika fakültəsinin dekanı Vüsalə Ağabəyli vəzifəsindən azad olunub.

Bu barədə oxu.sz-a universitetdən məlumat verilib.

Universitetin rektoru, akademik Kamal Abdulla Vüsalə Ağabəylinin 0.5 ştat üzrə baş müəllim vəzifəsində saxlanılmaqla dekan vəzifəsindən azad olunması haqqında əmr imzalayıb.

ADU-dan qeyd edilib ki, aparılmış müvafiq araşdırma zamanı qeyd olunan fakültədə tədris fəaliyyətinin gedişinə, tədris prosesi iştirakçılarının fəaliyyətinə və tədris sənədlərinin tərtibatına nəzarətdə və onların uçotunda bir sıra ciddi nöqsan və boşluqların mövcud olduğu, akademik qrup jurnallarının yarıtmaz vəziyyətdə aparıldığı müəyyən olunub.

Müraciətləri qanun çərçivəsində həllini tapmayan 31 tələbə universitetin rəhbərliyinə təkrar müraciət etmək məcburiyyətində qalıblar.

Bundan əlavə, keçmiş dekan tutduğu vəzifəsindən istifadə edərək onun səlahiyyətlərinə aid olmadığı halda 10 tələbəyə yazılmış qaiblərın nəzərə alınmasına dair qanunazidd qərarlar qəbul etməklə "Ali təhsil müəssisələrinin bakalavriat və magistratura səviyyələrində kredit sistemi ilə tədrisin təşkili Qaydaları"nın təsdiq edilməsi haqqında Azərbaycan Respublikası Nazirlər Kabinetinin müvafiq qərarlarının tələblərini pozub.

Milli.Az

loading...

Şərh yaz:

2 Şərh:

  • Anonim
    55 · 12 Fevral 12:4930

    Vüsalə xanım nələr etmisiniz yeni işlərinizdə uğurlar

    Cavab yaz
  • Anonim
    təəssüf · 12 Fevral 18:4000

    Vüsalə, sizə uğurlar, sizi anlayanlar anlayır ve tanıyır. Seyidov kimi rektor Azərbaycan Universitetləri tarixində olmadi, olmayacaq da...

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.