Ölkə

Bu il Bakıda qar olmayacaq

7 Fevral 2019 17:25
8 Şərh     Baxış: 2 532

"Hazırda ölkə ərazisində müşahidə olunan temperatur iqlim normasından yüksəkdir". 

Milli.Az xəbər verir ki, bunu oxu.az-a açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin baş hidroloqu Asif Verdiyev deyib.

Onun sözlərinə görə, yaxın günlərdə Azərbaycanda qarın yağması bölgələrdə gözlənir:

"Fevralın 9-da Bakıda və Abşeron yarımadasında yağış, ayın 8-12-də dağlıq və dağətəyi ərazilərdə qar yağması gözlənir. Hazırda sinoptik şəraitlə əlaqədar ölkə ərazisinə soyuq hava kütlələrinin daxil olması üçün əlverişli şərait yoxdur. Ona görə, ölkə ərazisində mülayim hava şəraiti müşahidə olunur ki, havanın temperaturu iqlim normasından yüksəkdir".

Baş hidroloq Bakıda qarın yağmadığı illəri də açıqlayıb:

"Qar yağmasını son illərlə müqayisə etdikdə, 2009, 2013, 2018-ci ildə Bakıda qar olmayıb. Ümumiyyətlə, qeyd edim ki, Bakıda və Abşeron yarımadasında ən soyuq, qarlı hava 2012-ci ildə müşahidə edilib.

Hələ ki, fevral ayı yeni başlayıb. Havanın kəskin dəyişməsi barədə xəbər olarsa, ictimaiyyət bu barədə məlumatlandırılacaq. Bakıda 2011, 2012, 2017-ci illərdə qar yağıb. 2017-ci ilin fevralında Bakıda yağan qarın hündürlüyü 29 santimetr olub. Hava şəraiti elədir ki, atmosferdə tez-tez dəyişikliklər baş verir. Bunun üçün hava barədə daha dəqiq xəbər sutkalıq proqnozlardır". 

Asif Verdiyev əlavə edib ki, Bakıda 1955-ci ildə 27,  2002-ci ildə 23,5 dərəcə isti olub. 

Milli.Az

loading...

Şərh yaz:

8 Şərh:

  • Anonim
    Teselli · 7 Fevral 17:3761

    Hec gozlemirikde.day qiw qurtardi

    Cavab yaz
  • Anonim
    Kamilla · 7 Fevral 18:2182

    Men sevindim Qar.soyuq istemirem. Usuyurem.isiga pul vermekden yoruldum.pletkaya. Kasiblara soyuq yaramir.... Kirede qaliram.binamizi sokubler

    Cavab yaz
  • Anonim
    Zeynəb · 7 Fevral 18:3832

    Heç sevmirəm qarı soyuğu yaxşı ki qardan xəbər yoxdu

    Cavab yaz
  • Anonim
    Elwad · 7 Fevral 22:3520

    Qiş ne kasib tanimir ne varli. Bu tebietin bir qanunu. Her fesil öz gözelliyi ile taninar. Yayda qar yagsa lezeti olmaz. Qiwda agaclar bar verse nete lazim.Cox heyib qiwimiz yaza,yazimiz payiza cevrilib.

    Cavab yaz
  • Anonim
    Sayqa 23@ · 7 Fevral 23:0620

    Beli Elsad bey haqlisiniz. insanlar deyisibse fesillerin deyismeyine ne demek olar))

    Cavab yaz
    • Anonim
      Cavid · 7 Fevral 23:1410

      Gecəniz xeyrə yuxunuz şirin olsun

      Cavab yaz
  • Anonim
    Elwada · 7 Fevral 23:2101

    Birce Sayqan catmirdi elemi??? Harika))) yanvar,fevral olsa basss qaza awqim bas qaza)))))

    Cavab yaz
  • Anonim
    N · 8 Fevral 08:3600

    YALAN.DEMİYİN BAKİDA 2014CU İLDEDE QAR YAGİB

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.