Ölkə

Azərbaycanda qəzet köşklərində kitab satışını genişləndirmək təklif olunur

17 Yanvar 2019 13:09

0 Şərh Baxış: 839

#CƏMİYYƏT

Azərbaycanda qəzet köşklərində kitab satışını genişləndirmək təklif olunur.

Milli.Az Trend-ə istinadən xəbər verir ki, bunu Milli Məclisin Mədəniyyət komitəsinin iclasında deputat Aqil Abbas deyib.

Millət vəkili bölgələrdə kitabxanaların fəaliyyətindən narazılığını bildirib: "Bəzi rayonlarda kitabxanaların sayı qənaətbəxş səviyyədə deyil. Elə rayon mərkəzi var ki, orada 2-3 kitabxana var, eləsi də var ki, kitabxana yoxdur".

O əlavə edib ki, rayonlarda kitab mağazaları da azdır: "Heç olmasa, qəzet köşklərində kitab satışını genişləndirmək olar. Hər rayonda ən azı 1-2 qəzet köşkü var".

A.Abbas elektron kitabxanaların artırılmasının vacibliyini də vurğulayıb: "Ümumiyyətlə, kitabxana məsələsi ən ciddi məsələlərdən biridir".

Milli.Az