Səidə Sultan "5/5"-də yeni-yeni tanınmağa başladığı zamanlarda başına gələn maraqlı bir əhvalatı tamaşaçılarla bölüşüb.
Milli.Az xəbər verir ki, bəstə boy xanım ifaçı avtobusda qarşılaşdığı olayı həyəcanla danışıb.
Səidə ilk dəfə mahnısını radioda eşitdiyi an verdiyi reaksiyadan bəhs edib:
""Bakı payızı" müsabiqəsində oxuyurdum. Heç o zaman "W TRİO"da da yox idim. Əlimdə "500 manat"ı da saxlamışam ki, avtobusdan düşəndə yol pulumu verim. Birdən radioda "Gecə yarısı" adlı mahnımı eşitdim. Sevincimdən qəfil ayağa qalxıb "Ay camaat, oxuyan mənəm e" deyib, qışqırdım. Necə qışqırdımsa, avtobusun içərisində qoca arvad, qoca kişi hamı qayıtdılar ki, "Bıy, biz səni tanıdıq. Allah səni xoşbəxt eləsin". Necə sevindimsə, "500 manat"ı (1 "Nizami") verməmiş avtobusdan düşdüm. Qaçıb, hamıya dedim ki, məni tanıyırlar".
Məhəmməd Vaqif
Milli.Az