Ölkə

Rasim Balayev: "Azərbaycanda "Nəsimi ili"nin elan olunması incəsənətə verilən çox gözəl qiymətdir"

14 Yanvar 2019 14:22
3 Şərh     Baxış: 895

"Nəsimi" filmindən sonra sonra yüzlərlə yeni doğulan uşaqlara onun adı qoyuldu.

Milli.Az xəbər verir ki, bunu repot-a açıqlamasında Azərbaycanın xalq artisti Rasim Balayev deyib.

Onun sözlərinə görə, 2019-cu ilin Azərbaycanda "Nəsimi ili" elan edilməsi ilə bağlı təbriklər alır: "Televiziyalardan təkliflər olur, ancaq müəyyən səbəblərə görə imtina edirəm. Ancaq, bu yaxınlarda 30-40 nəfər məni bu münasibətlə təbrik edib. Deyirəm niyə təbrik edirsiniz? Deyirlər Nəsimi deyiləndə siz yada düşürsünüz. Təbii ki, mənim üçün xoşdur. Xatırlayıram Heydər Əliyevin təşəbbüsü ilə ilk dəfə Nəsiminin 600 illik yubileyi YUNESKO-nun tədbirləri siyahısına daxil edilmiş və 1973-cü ildə beynəlxalq miqyasda qeyd olunurdu. Nəsimidən çox insanlar Nizami Gəncəvini, Məhəmməd Füzuli tanıyırdılar. Ondan sonra müxtəlif tədbilər oldu, kitablar çıxdı, Nəsiminin portreti hazırlandı. "Nəsimi" filmi şairin 600 illiyinə biraz gecikmişdi".

R.Balayev bildirib ki, Nəsimini hər millət özünə çəkirdi: "O, Türk dünyasının şairidir. Bizim tədqiqatçılarımız sübut etdi ki, Nəsimi azərbaycanlıdır. Həmçinin mən İranda olanda deyirdilər Nizami bizim şairimizdir. Deyirdim, heç olmasa, soyadındakı Gəncəli sözünə diqqət edin. Bu Prezident tərəfindən incəsənətə verilən çox gözəl bir qiymətdir. Nəsimini həm dünyaya, həm də özümüzə tanıtdırmaq üçün bir imkandır. Tək tanıtmaq yox, onun fəlsəfi fikirlərini dünyaya yaymaq lazımdır. Yəqin ki, müxtəlif tədbirlər, elmi konfranslar, seminarlar olacaq, dünyadan mütəxəssislər gələcək. Məni dəvət edərlər gedib kənardan baxaram".

Xalq artisti qeyd edib ki, indi bir çox insan klassik yazarlarımızı tanımır: "Bizim vaxtımızda fəhləsindən ziyalısına qədər hər şairdən ən azı bir sətir bilirdilər. Bir dəfə verilişə baxırdım. Müxbir xanım şəhərdə şairlərin heykəllərinin yanında dayanaraq camaatdan heykəlin kimə aid olduğunu soruşur. Çox adam Nizami Gəncəvini, Mirzə Ələkbər Sabiri, İmadəddin Nəsimini, Cəlil Məmmədquluzadəni tanımır. Çox təəssüf etdim ki, necə olur bu orta məktəbdə keçirilmir axı? Keçirilirsə necə olur ki, yeni nəsil tanımır? Demirəm hamısı tanımır. Ancaq çox utandırıcı bir şeydir". 

Milli.Az

loading...

Şərh yaz:

3 Şərh:

  • Anonim
    ... · 14 Yanvar 14:4000

    Nece gundu men Rasim Balayevden bu barede acixlama gozleyirdim. Nesimi obrazini mohteshem yaradan aktyorumuz. Allah sizi gorusun!

    Cavab yaz
  • Anonim
    . · 14 Yanvar 16:1000

    Nesimi beyem incesent numayendesidir?

    Cavab yaz
  • Anonim
    sənətsevər · 14 Yanvar 22:1910

    incəsənətmi??? bunu o zaman deyərdik ki, dövlətimiz Nəsimi ni bəyaz pərdəyə daşıyan və ekranda onun simasını dahiyanə və möhtəşəm şəkildə yaradan Rasim Balayevə layiqli qiymətini və hak etdiyi dəyəri vermiş olaydı. Nəsimi ustad sənətkar Rasim Balayevin ifasında yenidən dünyaya gəldi. Çox arzu edərdim ki, bu Nəsimi ilində böyük aktyorumuz gec də olsa ona yaraşan, layiq olduğu diqqəti və dövlət qayğısını görsün, bax bu olar Nəsimi ili...

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.