Ölkə

Bakıda ana azyaşlı qızını evdə qoyaraq yoxa çıxıb

10 Yanvar 2019 16:47
0 Şərh     Baxış: 1 047

Bakıda 13 yaşlı uşaq anası tərəfindən tərk edilib. 

Milli.Az xəbər verir ki. bunu oxu.az-a açıqlamasında Azərbaycan Uşaqlar Birliyinin Sığınacağının koordinatoru Vasif Akifli bildirib.

Onun sözlərinə görə, 2005-ci il təvəllüdlü qız anası tərəfindən evdə kimsəsiz və baxımsız şəraitdə tərk edilib:

"Qızın dediklərinə görə, anası, böyük və yetkinlik yaşına çatmayan qardaşı ilə birlikdə Suraxanı rayonu Əmircan qəsəbəsində kirayə yaşayıblar. Uşağın anası kiçik qardaşını da götürərək analığının yas mərasimi üçün Yevlax rayonuna getdiyini bildirib və evi tərk edib".

Vasif Akifli qeyd edib ki, 13 yaşlı qızın səfil həyatı yaşayan qardaşı ilə mütəmadi dalaşması nəticəsində qonşular polisə müraciət ediblər:

"Suraxanı Rayon Polis İdarəsinin 31-ci Polis Bölməsinin əməkdaşları tərəfindən 13 yaşlı Viktoriya Azərbaycan Uşaqlar Birliyinin nəzdində fəaliyyət göstərən Uşaq Sığınacağı Reinteqrasiya mərkəzinə yerləşdirilib".

Hazırda qızın anasının axtarışına başlanılıb.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.