Bu yaxınlarda atasını itirən Gülay Zeynalova "Hər şey daxil"də bəzi sənət yoldaşlarından qəlbinin qırıldığını etiraf edib.
Milli.Az xəbər verir ki, Gülay acı günündə bir çox həmkarının onu arayıb-axtarmadığından giley-güzar edib.
Gülay hətta bir çoxlarının bu günə kimi ona zəng də edib başsağlığı vermədiyini bildirib:
"Kim necə istəyir başa düşsün. Mən artıq onu düşünmürəm. Bizim elə sənətkarlar var ki, xeyirinə də şərinə də yarımışam. Amma mənim atam dünyasını dəyişdi, quru telefon zəngi də edib başsağlığı vermədi. Mən artıq sabah o insanı görsəm Allahın salamını da vermərəm".
Təhməz Təkin
Milli.Az