Azərbaycan Respublikasının Braziliya Federativ Respublikasındakı Səfirliyi tərəfindən 2018-ci ilin yekunu olaraq, Rio de Janeyro şəhərində yerləşən və Azərbaycan adını daşıyan bələdiyyə məktəbində xeyriyyə tədbiri keçirilib.
Səfirlikdən Milli.Az-a verilən məlumata görə, tədbir zamanı məktəb şagirdlərinə üzərinə "Escola Municipal Azerbaijao" (Azərbaycan adına Bələdiyyə Məktəbi) yazılmış maykalar və məktəbə lazım olan digər əşyalar hədiyyə edilib, ilin ən yaxşı şagirdlərinə səfir Elxan Poluxovun təşəkkürnaməsi təqdim olunub.
Məktəb tərəfindən isə il ərzində göstərdiyi dəstəyə, eləcə də bağışlanmış hədiyyə və ianələrə görə Azərbaycan Respublikasının Braziliyadakı Səfirliyinə minnətdarlıq bildirilib.
Zərif Nisə
Milli.Az