Ölkə

Azərbaycanda qəbir yerlərinin ölçüləri müəyyənləşib

7 Dekabr 2018 11:35
1 Şərh     Baxış: 740

Azərbaycanda dəfn üçün hər bir qəbir üzrə 5 kvadratmetr sahə ayrılacaq.

Milli.Az report-a istinadən xəbər verir ki, bu, yeni təsdiqlənən "Qəbiristanlıqların salınması və idarə olunması Qaydaları"nda əksini tapıb.

Qaydaya əsasən, qəbirlərarası orta məsafə uzun tərəflər üzrə 1 metr, qısa tərəflər üzrə 0,5 metr nəzərdə tutulmalıdır.

Ölmüş şəxsin dini qaydalara və yerli şəraitə uyğun olmaqla dəfn edilməsi üçün qəbir yerinin uzunluğu 2 metr, eni 1 metr, dərinliyi 1,4 metr müəyyənləşdirilir.

Ölmüş şəxsin ölçüləri nəzərə alınmaqla, qəbir yerinin ölçüsünün mütənasib qaydada dəyişdirilməsinə yol verilir.

Qəbir yeri qazıldıqda, qəbrin dibi qrunt sularının axın səviyyəsindən 0,5 metrdən az olmayan hündürlükdə olmalıdır.

Azərbaycan vətəndaşının xarici ölkədən gətirilmiş kremasiya olunmuş meyitinin külü saxlanılan urnanın qəbiristanlıqda dəfn edilməsi üçün hüzn divarında (kolumbaridə) ölmüş şəxsin soyadı, adı, atasının adı, doğum və ölüm tarixlərini bildirən lövhə vurulmaqla, uzunluğu 0,75 metr, eni 0,6 metr və dərinliyi 0,4 metr ölçüdə oyuqlar və ya ümumi torpaq sahəsi 2 kvadratmetr olmaqla uzunluğu 0,75 metr, eni 0,6 metr və dərinliyi 0,8 metr ölçüdə qəbir yeri nəzərdə tutulur.

Kremasiya olunmuş meyitin külü saxlanılan urnanın daxili həcmi ölmüş şəxsin çəkisindən asılı olaraq, külün miqdarına görə 4 litrə qədər olmalıdır. Formasından asılı olmayaraq urnanın divarının qalınlığı 0,02 metr olmalı, onun oyuğa rahat yerləşdirilməsi üçün hündürlüyü 0,35 metrə qədər olmaqla, təbii daş və ya metaldan hazırlanır.

Dəfndən sonra qəbrin üzərinə 0,5 metr hündürlükdə torpaq tökülür.

Milli.Az

loading...

Şərh yaz:

1 Şərh:

  • Anonim
    Nardaşa · 7 Dekabr 13:4400

    Qəbir və qəbirüstü abidələr barədə mənim fikrim belədir ki ,abidələrə məncə heç bir qadağa olmamalıdır !Olsada rus demiş ot i do ,yəni qanun hamıya ŞAMIL olunmalıdır !Ta bu müəllimdir ,bu tələbədir ,bu kasıbdır ,bu varlıdır ,bu HƏSƏNAĞANIN qohumudur və s.Vətən dara düşəndə hamı kasıba baxır ,abidələr isə MÜƏLLIMLƏR və onların əcdadları üçün ...

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.