Ölkə

Rektor: "Həkim də təzyiq qarşısında aciz qaldığı üçün hüquqi yardıma ehtiyacı olur"

5 Dekabr 2018 11:18
0 Şərh     Baxış: 1 100
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bəzən həkim də təzyiq qarşısında aciz qalır. Buna görə çox zaman həkimə də hüquqi yardımın göstərilməsinə ehtiyac yaranır.

Milli.Az Trend-ə istinadən xəbər verir ki, bunu Azərbaycan Tibb Universitetinin rektoru Gəray Gəraybəyli deyib.

Rektor buna misal olaraq, rastlaşdığı bir halı qeyd edib: "Məsələn, 4 il əvvəl ürək əməliyyatı olunan bir xəstə mənim qəbuluma gələrək düzgün əməliyyat edilmədiyini, onu əməliyyat edən həkimi işdən çıxarmağımı tələb etdi. Ancaq heç kəs ona "Sənə kim deyib ki, düzgün əməliyyat edilməmisən? Sən düzgün əməliyyat edilməsəydin, 4 ildən sonra buraya sərbəst gələ bilərdinmi?" sualını vermir. Amma o, nəyəsə əsaslanaraq istər həkim, istərsə də klinika üçün kifayət qədər gərgin atmosfer yaradır".

AMEA Hüquq və İnsan Haqları İnstitutunun direktoru Aytən Mustafayeva isə məsələ ilə əlaqədar bildirib ki, səhiyyə sahəsində hüquqi münasibətlərin olması həm pasiyentlərin hüquqlarını qorumağa, həm də həkimləri sığortalamağa yardım edir:

"Həkimlər də öz hüquqlarını bilməlidirlər. Bu hüquqları qorumaq üçün hüquqi münasibətlər mütləq olmalıdır. Həm pasiyent, həm də həkim məsuliyyət daşımalıdır. Hüquqi münasibətlər olduqda həkim və pasiyent arasında etibarlı münasibətlər formalaşır".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.