Ölkə

“Azərkosmos”un yığılmış zərəri 308 milyon manatı keçib

9 Noyabr 2018 11:44
0 Şərh     Baxış: 892

"Azərkosmos" ASC-nin cəmi aktivləri bu il yanvarın 1-nə 676,223 mln. manat təşkil edib.

Milli.Az Report-a istinadən xəbər verir ki, bu, ötən il yanvarın 1-i ilə müqayisədə 15% çoxdur.

2017-ci ildə "Azərkosmos"un cəmi öhdəlikləri 8,7% artaraq 811,772 mln. manata çatıb, cəmi kapitalındakı çatışmazlıq isə 14,6% azalaraq 135,549 mln. manata düşüb. Qeyd edək ki, əvvəlki il olduğu kimi, ötən il də şirkətin öhdəlikləri aktivlərini üstələyib.

2017-ci ildə "Azərkosmos"un satışdan gəlirləri 37,087 mln. manat (32,4% çox), xidmətlərinin maya dəyəri 33,727 mln. manat (10,5% çox), ümumi və inzibati xərcləri 8,248 mln. manat (27,2% çox), maliyyə xərcləri 13,808 mln. manat (83,8% az), maliyyə gəlirləri 5,205 mln. manat (0,2% az), digər xərcləri 2,608 mln. manat (bundan əvvəl gəlir olub) təşkil edib.

Son nəticədə "Azərkosmos" ötən ili 16,098 mln. manat zərərlə başa vurub. Bu, əvvəlki ilə nisbətən 5 dəfə azdır. Bununla belə, şirkətin yığılmış zərəri 5,5% artaraq 308,154 mln. manat olub.

Xatırladaq ki, "Azərkosmos" 2011-ci ildə yaradılıb. Onun nizamnamə kapitalı 63 610,6 min manatdır. 

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.