Ölkə

İran səfirliyi: "Nazmehr" gəmisindəki zəhərlənmə nəticəsində ölən şəxslərin cəsədləri hələ Bakıdadır

20 Oktyabr 2018 11:25
0 Şərh     Baxış: 1 214
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İran İslam Respublikasına məxsus "Nazmehr" quru yük gəmisində baş vermiş zəhərlənmə nəticəsində ölən şəxslərin cəsədləri hələ Bakıdadır.

Milli.Az xəbər verir ki, bu barədə özəl olaraq Trend-ə İranın Azərbaycandakı səfirliyindən bildiriblər.

Səfirlikdən verilən məlumata görə, "Nazmehr" quru yük gəmisində ölən 3 nəfər, Əkbər Mənsumi Kərim (1989), Seyid Murtuza Mirhüseyn (1986), Səccad Səyyad Feriydundur (1990) cəsədləri tibbi ekspertiza tərəfindən araşdılır:

"Bu səbəbdən ölən şəxslərin meyitləri hələ Bakıdadır. Ekspertizanın cavablarından sonra cəsədlər İrana ölən şəxlərin ailələrinə təhvil veriləcək. Gəmidə isə hüquq-mühafizə orqanları tərəfindən müvafiq araşdırmalar aparılır".

Qeyd edək ki, ötən gün gecə saat 03 radələrində Xəzər dənizinin mərkəzi hissəsində, Pirallahı adasından 21 mil məsafədə Aktau-Bakı marşrutu üzrə hərəkət edən İran İslam Respublikasına məxsus "Nazmehr" quru yük gəmisində heyət üzvlərindən 12-si zəhərlənib. Hadisə nəticəsində 3 nəfər ölüb, 8 nəfər 1 saylı Kliniki Tibbi Mərkəzin Toksikologiya şöbəsinə yerləşdirilib.

Gəminin kapitanı isə xəstəxanaya köçürülməkdən imtina edib. Zəhərlənənlərin və ölənlərin hamısı İran vətəndaşlarıdır.

İlkin ehtimala əsasən, zəhərlənməyə səbəb gəmidə gətirilən taxıla vurulan kimyəvi maddədir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.