Ölkə

Şirkətə 300 min manat ödəyən şəxs azadlığa buraxıldı

16 Oktyabr 2018 14:21
1 Şərh     Baxış: 1 776
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakı Ağır Cinayətlər Məhkəməsində külli miqdarda mənimsəmədə təqsirləndirilən Ramil Səmədovun cinayət işi üzrə məhkəmə prosesi başa çatıb.

Milli.Az Trend-ə istinadən xəbər verir ki, hakim Azər Paşayevin sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə təqsirləndirilən şəxs barəsində Cinayət Məcəlləsinin 70-ci (şərti) maddəsi tədbiq edilib və ona şərti cəza verilib. Ramil Səmədov məhkəmə zalından azadlığa çıxıb.

İttihama görə, R.Səmədov "Kartaş" MMC-də satış meneceri işləyərkən 300 min manatdan artıq pulu mənimsəyib. Şirkət rəhbərinin hüquq-mühafizə orqanları əməkdaşlarına şikayəti əsasında R.Səmədov həbs edilib.

R.Səmədov "Kartaş" MMC-yə dəymiş ziyanı ödəyib və şirkətlə barışıq əldə edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.