Ölkə

Badamdar şosesindəki sürüşmə ilə bağlı sakinlərə xəbərdarlıq edildi

12 Oktyabr 2018 13:53

0 Şərh Baxış: 1 142

#CƏMİYYƏT #TƏBİİ FƏLAKƏT

Səbail rayon İcra Hakimiyyəti Badamdar şosesində sürüşmə zonasinda müşahidə olunan aktivliklə bağlı açıqlama yayıb.

Milli.Az xəbər verir ki, İH-dən Trend-ə verilən məlumata görə, 2018-ci il oktyabr ayının 12-də gecə saatlarında Səbail rayonu, Badamdar qəsəbəsi, Badamdar şosesində (Badamdar-20-ci sahəni birləşdirən yol) kəskin maili dağ yamacında, əvvələr tikilmiş istnad divarının yaxınlığında torpaq qatının çökməsi halı qeydə alınıb.

Məsələ ilə əlaqədar hazırda Fövqəladə Hallar Komissiyası, Səbail Rayon İcra Hakimiyyəti və Respublika Seysmoloji Xidmət Mərkəzinin rəhbərliyi, Fövqəladə Hallar, Ekologiya və Təbii Sərvətlər Hazirliyinin mütəxəssisləri hadisə yerində olublar. Müvafiq qurumların mütəxəssisləri tərəfindən ərazidə araşdırmalar aparılır.

Vətəndaşların və Badamdar yolundan keçən avtonəqliyyat vasitələrinin təhlükəsizliyinin təminatı üçün müvəqqəti olaraq Badamdar şosesinin bu əraziyə düşən hissəsində nəqliyyat vasitələrinin hərəkəti məhdudlaşdırılıb.

Əraziyə yaxın obyektlərin fəaliyyəti dayandırılıb, Badamdar qəsəbəsi 3-cü yaşayış massivində dağ yamacının üst hissəsində yerləşən 8 fərdi yaşayış evlərində yaşayan vətəndaşlar müvəqqəti olaraq evlərini tərk etmələri ilə bağlı xəbərdarlıq edilib.

Hazırda ərazıdə araşdırmalar aparılır.

Milli.Az