Azərbaycan 2020-ci ildə Güllə Atıcılığı üzrə Dünya Kubokunun mərhələ yarışına ev sahibliyi edəcək

Avstriyanın Vyana şəhərində Beynəlxalq İdman Atıcılıq Federasiyasının (ISSF) İcra Komitəsinin toplantısı keçirilib.

Milli.Az Trend-ə istinadən xəbər verir ki, 2020-ci ildə keçiriləcək ISSF Dünya Kubokları ücün nəzərdə tutulmuş şəhərlərin yekün siyahısını təsdiq edilməsi toplantının əsas səbəbi olub.

Ümumilikdə, 15 şəhər 2020-ci il ISSF Dünya Kuboklarını keçirmək arzusunda olduğunu bildirib. 2020-ci ilin Olimpiya ili olduğu nəzərə alınaraq, Dünya Kubokları əvvəlki illərdə bu səpkili tədbirlərin təşkilində təcrübəyə və bütün beynəlxalq standartlara cavab verən komplekslərə malik olan ölkələrə verilib. Azərbaycanda bütün beynəlxalq standartlara cavab verən iki atıcılıq kompleksin olduğunu və 2014-ci ildən etibarən Azərbaycanda mütamadi keçirilən bütün beynəlxalq yarışlar yüksək səviyədə təşkil olunduğunu nəzərə alaraq, Azərbaycan Atıcılıq Federasiyası 2020-ci ildə Qəbələdə şəhərində Güllə Atıcılığı üzrə Dünya Kubokunun mərhələ yarışının rəsmi təşkilatcısı təyin edilib.

2020 Dünya Kuboklarının ümumi təsdiq edilmiş şəhərlərin siyahısı:

Birgə Dünya Kubokları (Stend və Güllə atıcılığı)
1. Tokyo, JAPAN
2. New Delhi, INDIA

Güllə Atıcılığı üzrə Dünya Kubokları
1. Munich, GERMANY
2. Gabala, AZERBAIJAN

Stend Atıcılığı üzrə Düya Kubokları
1. Nicosia, CYPRUS
2. Chateauroux, FRANCE

Beynəlxalq İdman Atıcılıq Federasiyası hər il stend atıcılığı üzrə 4 (dörd) və güllə atıcılığı üzrə 4 (dörd) Dünya Kubokun mərhələ yarışları keçirir. Bu Dünya Kuboklardan ikisi birgə keçirilir, digər ikisi isə ayrı-ayrılıqda keçirilir.
Bələliklə 2020-ci ildə Azərbaycana güllə atıcılığı üzrə Dünya Kubokunun keçirilməsi həvalə olunub. Yarışlar güllə atıcılığın 10 (on) olimpiya növündə keçiriləcək:

Kişilər Qadınlar
10m Pnevmatik Tapanca Kişilər
10m Air Pistol Men 10m Pnevmatik Tapanca Qadınlar
10m Air Pistol Women
10m Pnevmatik Tüfəng Kişilər
10m Air Rifle Men 10m Pnevmatik Tüfəng Qadınlar
10m Air Rifle Women
25m Sürətli Atəş Tapanca Kişilər
25 Rapid Fire Pistol Men 25 Tapanca Qadınlar
25 Pistol Women
50m Tüfəng 3 Mövgə Kişilər
50m Rifle 3 Position Men 50m Tüfəng 3 Mövgə Qadınlar
50m Rifle 3 Position Women
Qarışıq komanda növləri (1 kişi + 1 qadın)
10m Pnevmatik Tapanca Qarışıq Komanda
10m Air Pistol Mixed Team
10m Pnevmatik Tüfəng Qarışıq Komanda
10m Air Rifle Mixed Team

Dünya Kuboku 19-27 İyun 2020-ci il tarixlərdə keçiriləcək və Tokio Olimpiya Oyunlarından əvvəl son Dünya Kuboku olacaq (Qeyd: 2016-ci ildə Rio Olimpiya Oyunlarından əvvəl son Dünya Kuboku Bakı şəhərində keçirilmişdir). Hal hazırda yarışda iştirak edəcək ümumi idmançıların sayını dəqiq demək mümkün deyil, çünki bu rəqəmlər adətən yarışdan 1 ay qabaq bilinir, lakin son illərin təcrübəsinə əsaslanaraq demək olar ki, Dünya Kubokunda 70-dən artıq ölkədən 600-ə yaxın idmançının iştirakı gözlənilir. Onlar arasında dünyanın tanınmış atıcıları, Dünya və Avropa çempionları, olimpiya oyunlarının qalibləri olacaq.

Azərbaycan 2014-ci ildən etibarən mütamadi olaraq hər il atıcılıq növləri üzrə Dünya Kuboku, Avropa Çempionatı və digər böyük beynəlxalq tədbirlərə ev sahibliyi edib və bütün bu yarışlar, 2020-ci il Dünya Kubokunu daxil olmaqla Azərbaycanda atıcılıq idmanının inkişafına xidmət edir və gənc nəsildə bu idmana marağın artmasına səbəb olur. Eyni zamanda, bu yarışlar sayəsində çoxlu xarici komandalar Azərbaycanda təlim-məşq toplanışları keçirməyə qərar verir, bu da öz növbəsində idman turizmin inkişafına gətirib çıxarır. Yalnız 2017-2018-ci illərdə Yaponiya, Avstraliya, Fransa, Qazaxıstan, Bəhreyn, Oman, Səydiyyə Ərəbistanı, Gürcüstan, Birləşmiş Ərəb Əmirlikləri və digər komandalar təlim toplanışları Azərbaycanda keçiriblər.

2014-cü ildən atıcılıq üzrə Azərbaycanda keçirilmiş beynəlxalq yarışların siyahısı:

Yarışın adı Keçirilmə tarixi Keçirilmə yeri
Heydər Əliyev adına Beynəlxalq Qran-Pri 2014 14 - 21.08.2014 Qəbələ
ISSF Dünya Kubokunun Finalı 21 - 28.10.2014 Qəbələ
Heydər Əliyev adına Beynəlxalq Qran-Pri 2015 15 - 24.05.2015 Qəbələ
Avropa Oyunları 12 - 22.06.2015 Bakı
ISSF Dünya Kuboku 06 - 16.08.2015 Qəbələ
Heydər Əliyev adına Beynəlxalq Qran-Pri 2016 06 - 14.05.2016 Qəbələ
ISSF Dünya Kuboku 20 - 29.06.2016 Bakı
Gənclər arası ISSF Dünya Kuboku 16 - 23.09.2016 Qəbələ
IV İslam Həmrəylik Oyunları 12 - 17.05.2017 Bakı
ISSF Dünya Kuboku 06 - 14.06.2017 Qəbələ
Avropa Çempionatı 21.07.-04.08.2017 Bakı
Heydər Əliyev adına Beynəlxalq Qran-Pri 2018 07 - 13.05.2018 Qəbələ

Azərbaycanda atıcılıq idmanının inkişafına gəldikdə isə qeyd etmək lazımdır ki, son iki il ərzində bizim idmançılarmız müxtəlif beynəlxalq yarışlarda 20-dən çox medal qazanmışdır. Son nailiyyətlərdən, Portuqaliyada keçirilən və 2 gün əvvəl başa çatan Avropa Kuboku Finalında Ruslan Lunev tərəfindən qazandığı iki medalı (Bir qızıl və bir gümüş medal) qeyd etmək lazımdır. 2019-cu ildə Minsk şəhərində keçiriləcək Avropa Oyunlarına seçim hələ də davam etməsinə baxmayaraq, əminliklə demək olar bizim iki idmançımız artıq özdərinə lisenziya təmin edib və daha iki idmançımız lisenziya qazana bilər.

Atıcılıq idmanı hal-hazırda üç müxtəlıf növdən ibarətdir : Tapança , Tüfəng və Stend Atıcılığı. Onların hər biri hədəfə olan məsafəyə, mövqe və istifadə olunan idman silahına görə fərqli növlərə ayrılır.

Tapança atıcılığına 8 müxtəlif növ daxildir: 10m Pnevmatik Tapança Kişilər, 10m Pnevmatik Tapança Qadınlar, 10m Pnevmatik Tapança Qarışıq Komanda, 50m Tapança Kişilər, 25m Tapança Qadınlar, 25m Tapançadan Sürətli Atış Kişilər , 25m Standart Tapança Kişilər, 25m Tapançadan Mərkəzə Atış. 10m Pnevmatik Tapança ilə atış növlərində 177/ 4.5 mm çaplı pnevmatik tapançalardan istifadə olunur. 25 və 50m Tapança ilə atış növlərində isə, idmaçılar 22/5.6 mm çaplı yivli Tapançalardan istifadə edir.

Tüfəng atıcılığına 6 müxtəlif növ daxildir: 10m Pnevmatik Tüfəng Kişilər, 10m Pnevmatik Tüfəng Qadınlar, 10m Pnevmatik Tüfəng Qarışıq Komanda, 50m Tüfəng 3 Mövqe Kişilər, 50m Tüfəng 3 Mövqe Qadınlar, 50m Tüfəng Uzanaraq Atış Kişilər. 10m Pnevmatik Tüfəng ilə atış növlərində 177/ 4.5 mm çaplı pnevmatik tüfənglərdən istifadə olunur. 50m Tüfəng ilə atış növlərində, idmançılar .22/5.6 mm çaplı yivli tüfənglərdən istifadə edir. Bu yarışlarda idmançılar Federasiya tərəfindən yoxlanılan və tənzimlənən gödəkçə, şalvar, əlcəklər və ayaqqabılar kimi xüsusi avadanlıqdan istifadə edirlər.

Stend atıcılığına 7 müxtəlif növ daxildir: Trap (Səngər Stendi) Kişilər, Trap (Səngər Stendi) Qadınlar, Skeet (Dairəvi Stend) Kişilər, Skeet (Dairəvi Stend) Qadınlar, Double Trap (Qoşa Səngər Stendi) Kişilər, Trap (Səngər Stendi) Qarışıq Komanda, Skeet (Dairəvi Stend) Qarışıq Komanda. Stend atıcılıq növlərində idmançılar 12 çaplı hamar lüləli alt/üst qoşa lülə tüfənglərdən və qirması 24.5 qramdan çox olmayan patronlardan istifadə edir. Stend atıcılığında istifadə olunan hədəflərin ölçüsünün diametri 11 sm, hündürlüyü isə 2,5 cm-dir. Yarı final və medal matçlarında istifadə olunan flash hədəflərin daxilində istifadə edilən toz, portağal və ya yaşıl rəngdə ola bilər. Trap (Səngər Stendi) və Double Trap (Qoşa Səngər Stendi) yarışlarında bunkerlərə quraşdırılmış xüsusi maşınlar tərəfindən atılan hədəflər idmançıların 15 metr qarşısında yerləşir. Skeet(Dairəvi Stend) yarışlarında hədəflər sağ və sol tərəfdə yerləşən evlərdən atılır.

Milli.Az