Ölkə

Hacıqabulda su problemi: İsti yay günlərində susuz qaldıq...

15 Avqust 2018 10:18

Baxış: 879

#CƏMİYYƏT #SU

Hacıqabul rayon Qızılburun kəndinin sakinləri susuz qalmaqlarından şikayətçidirlər.

Milli.Az bildirir ki, onlar problemlə bağlı "Qafqazinfo"ya müraciət edərək bildiriblər ki, bir aydır ki, suları verilmir: "İsti yay günlərində susuz qaldıq. Həyətdə yaşıllıqlarımız susuzluqdan məhv olub. Kəndin 2000 sakini bu problemlə üz-üzədir. Hara müraciət ediriksə, bizə cavab verən yoxdur".

"Qafqazinfo" məsələ ilə bağlı "Azərsu" ASC-nin mətbuat xidmətinin rəhbəri Anar Cəbrayıllı ilə əlaqə saxlayıb. O, qeyd edib ki, yağıntılarla əlaqədar Kür çayında bulanıqlıq kifayət qədər böyükdür: "Ona görə təmizlənən suyun həcmi azdır. Bulanıqlıq azalan kimi həcm artacaq və xəttə daha çox su vurulacaq, təzyiq yüksələcək. Beləliklə də, Qızılburun kəndinə əvvəlki qaydada su veriləcək".

Milli.Az