Ölkə

"Azərbaycanda manatın məzənnəsinin dalğalanması üçün səbəblər mövcud deyil" - İqtisadçı

9 Avqust 2018 13:47
Baxış: 1 842

"Azərbaycanda bu gün manatın məzənnəsinin dalğalanması üçün səbəblər mövcud deyil".

Milli.Az xəbər verir ki, bunu Trend-ə iqtisadçı ekspert, iqtisad elmləri doktoru Müslüm İbrahimov deyib.

O deyib: "Son dövrlərdə manatın məzənnəsinin dalğalanmasının olmaması, iqtisadiyyatın dollarlaşma səviyyəsinin aşağı olması, tədiyə balansının cari əməliyyatlar hesabının müsbət dinamikası - bütün bu amillər deməyə imkan verir ki, Azərbaycanda milli valyutanın məzənnəsinin sabitliyi qorunub saxlanacaq. Demək olar ki, bu gün manat lazımi səviyyədədir. Vətəndaşların milli valyutaya inamı artıb. Vəziyyəti dövlətin vaxtlı-vaxtında addımları nəticəsində sabitləşdirmək mümkün olub".

Ekspert əlavə edib ki, bu gün manatın sabit kursu dövlətin həyata keçirdiyi iqtisadi siyasətə uyğundur:

"Dövlət qarşısına sabit iqtisadi artımı təmin etmək məqsədi qoyub. Bu məqsəd üçün strateji yol xəritələri reallaşdırılır. Bununla bağlı olaraq valyutanın sabit məzənnəsinin olması qəbulediləndir. Bu məqsədin təmin olunması üçün bütün mümkün vasitələrdən istifadə edilir".

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.