Ölkə

DİQQƏT! Bu şadlıq evlərinin fəaliyyəti DAYANDIRILA BİLƏR - VİDEO - FOTO

9 Avqust 2018 13:38
2 Şərh     Baxış: 3 480

Ekologiya və Təbii Sərvətlər Nazirliyi şadlıq sarayları və restoranlarla bağlı məlumat yayıb.

Milli.Az ARB TV-yə istinadən xəbər verir ki, Bakıda xəbərdarlığa əməl etməyən şadlıq evləri ilə bağlı sərt tədbirlərə başlanılıb. 

"Tüstü evə gəlib çıxır. Kabab bişirir, tüstü qapımızın ağzındadır. Elə bil restoranda yaşayırıq".

"Məktəbə gedib-gəlirik, tüstü burnumuza dolur. Kabab yemək istəyir adam", - bu fikirlər paytaxt sakinlərinə aiddir. 

Bununla bağlı Ətraf Mühit üzrə Milli Monitorinq Departamentinin baş mütəxəssisi Cəlair Səmədov aşağıdakıları bildirib: "Bakı şəhərində fəaliyyət göstərən şadlıq saraylarının, restoranların ətraf ərazilərində monitorinq keçirilib. Onların tüstü bacalarından atmosferə atılan zərərli birləşmələrin yol verilən həddən çox olduğu müəyyən edilmişdir".

Maydan etibarən ictimai iaşə obyektlərinə müasir standartlara cavab verən təmizləyici qurğuların quraşdırılması və atmosferə atılan zərərli qazın miqdarının yol verilən hədd daxilində olması barədə xəbərdarlıq məktubu göndərilib. Yasamal rayonu ərazisində apardığımız müşahidələr isə buna əməl olumadığnı göstərir. Nazirlikdənsə bildirilir ki, xəbərdarlığa əməl etməyən ictimai iaşə obyektlərinin sahibləri barəsində sərt tədbirlər görülməyə başlanılıb: 

"Qanunvericiliyin tələblərinin pozulmasına görə İnzibati Xətalar Məcəlləsində müvafiq maddə ilə vəzifəli şəxslər 3 min 500 manatdan 4 min 500 manatadək, hüquqi şəxslər 20 min manatdan 25 min manatadək cərimə ediləcəklər. Bu tədbirlər də nəticə verməsə, artıq Ekologiya və Təbii Sərvətlər Nazirliyi şadlıq sarayları və restoranların fəaliyyətinin dayandırılması üçün aidiyyatı orqanlar qarşısında vəsadət qaldıracaq", - deyə Cəlair Səmədov fikrini izah edib. 

Odur ki, sahibkarlar obyektlərinin fəaliyyətinin dayandırılmasını istəmirsə qanunvericiliyin tələblərinə əməl etməli, ətraf mühiti çirkləndirməməlidir. 

Milli.Az

Videonu izləmək üçün şəklə klikləyin:
DİQQƏT! Bu şadlıq evlərinin fəaliyyəti DAYANDIRILA BİLƏR

Məqaləyə dair fotomateriallar:

loading...

Şərh yaz:

2 Şərh:

  • Anonim
    GULNARA · 9 Avqust 16:2200

    heqiqeen duzgun уоxlama gedirse,nefтcilerde cenneт sadliq saraуini уоxlaуin,bтuun xоrekleri kоhne оlur

    Cavab yaz
  • Anonim
    Mətanət · 9 Avqust 23:1000

    Sumqayıtda 16cı mikrarayonda da o bu vəziyyətdi tüstü iy

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.