Ölkə

Azərbaycanlı turistlər Türkiyədə oteldə erməni mahnısına qadağa qoydurdular

9 Avqust 2018 13:19
1 Şərh     Baxış: 4 706
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Naxçıvanlı turistlər olaraq Bodrumdakı oteldə erməni mahnısına qadağa qoydurduq".

Milli.Az xəbər verir ki, bunu azərbaycanlı jurnalist Səməd Canbaxşiyev sosial şəbəkədə ümumi paylaşdığı statusunda bildirib.

Onun sözlərinə görə, qaldıqları "Palm Garden" otelində axşam karaoke gecəsi təşkil olunub və oteldə istirahət edən Naxçıvandan olan 30 azərbaycanlı turisti də ora dəvət ediblər. Gecədə erməni mahnısının səslənməsinə etiraz edən azərbaycanlılar buna etirazını bildirərək tədbiri tərk ediblər:  

"Mahnı oxumaq üçün bizim qrupdan da xahiş elədilər. Çünki bir neçə gündür burdakı əyləncəli tədbirlərdə fəal iştirak edirik. Soruşanda da azərbaycanlıyıq, Naxçıvandanıq deyirik. Gürcü aparıcıya "Əsmərim biçim- biçim"i oxuyacağımızı dedik. Razılaşdı. Amma sonra dedi ki, mahnının remiksi pozulub. Biz də siyahıdan "Qara bibərim" - Sərdar Ortacın mahnısını seçdik. Bir neçə nəfər oxuduq. Yaxşı da alındı. Yarışa qatılan fransız, ingilis turistlər hər halda belə dedilər. Amma bizim mahnıdan sonra qəfildən erməni mahnısı səsləndi. Biz də etiraz elədik ki, bu erməni dilində mahnı bizim iştirak etdiyimiz tədbirdə oxunmamalıdır. Gürcü dijey isə dedi ki, bu mahnıdır və hansı millətə aidiliyi bizə fərq etmir. Bizsə "fərq edir" deyib tədbiri nümayişkaranə tərk elədik.
Sonra otelin rəhbərliyinə şikayət etdik ki, ermənilər azmı türk bayrağını yandırıb, niyə indi bizim gecədə bu mahnı səslənir? O da anlayışla davrandı, üzr istədi və təşkilatçıları cəzalandırdı. Sonra da o mahnıya ümumiyyətlə bu oteldə qadağa qoydu ki, bir daha səsləndirilməsin".

Jurnalistin fikrincə, azərbaycanlı turistlər harda olursa olsun, həmişə vətənpərvərlik nümayiş etdirməyə hazır olmalıdırlar.

Yusif Nəsirli
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.