Ölkə

Yatdığı yerdə evin tavanı çökdü - VİDEO

14 İyul 2018 11:10
0 Şərh     Baxış: 929

Bakının Buzovna qəsəbəsində yerləşən "Xəzər" sanatoriyasında vəziyyət olduqca acınacaqlıdır.

Milli.Az yenicag.az-a istinadən xəbər verir ki, sanatoriyanın qəzalı vəziyyətdə olması burada məskunlaşan məcburi köçkünlərin həyatı üçün ciddi təhlükəyə çevrilib.

Ağdamdan məcburi köçkün düşən və uzun müddətdir burada məskunlaşan Vüqar Mürsülov və ailə üzvlərinin gecə yuxuda ikən yaşadığı mənzilin tavanının çökməsi təhlükənin ciddiliyindən xəbər verir.

Ailə üzvləri məsələ ilə bağlı Fövqəladə Hallar Nazirliyinə, eləcə də Qaçqınların və Məcburi Köçkünlərin işləri üzrə Dövlət Komitəsinə məlumat versə də, hadisəylə maraqlanan olmayıb.

Sözügedən mənzil yararsız vəziyyətə düşdüyündən Mürsülovlar ailəsi yaxınlarının evində gecələyir.

Qarışıq elektrik naqilləri, kanalizasiya sisteminin sıradan çıxması və içməli suya tələbat sözügedən sanatoriyada çoxsaylı problemlər sırasındadır.

Burada məskunlaşan məcburi köçkün bildirir ki, həftədə bir dəfə "Qaçqınkom" tərəfindən içməli su göndərilir. Lakin bu su hər dəfə istifadəyə yararlı olmur. Səbəb isə suyun duzlu olmasıdır.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.