Ölkə

Azərbaycanda benzin istehsalı nə vaxt bərpa olunacaq?

12 İyul 2018 11:32
Baxış: 1 960

Heydər Əliyev adına Bakı Neft Emalı Zavodunda (BNEZ) katalitik-krekinq qurğusunun təmiri bu gün ərzində başa çatacaq.

Milli.Az xəbər verir ki, bu barədə özəl olaraq Trend-ə zavoddan məlumat verilib.

Qeyd olunur ki, qurğunun təmiri artıq son mərhələdədir: "Təmir işlərinin başa çatması və katalitik-krekinq qurğusunun bu gün işə salınması haqqında əmr verilib".

Qurğunun təmir olunduğu müddətdə ölkənin avtomobil benzininə tələbatının təmin olunmasına toxunan müsahib bildirib ki, tələbat daxili ehtiyatlar hesabına təmin olunub:

"Təmir zamanı Azərbaycana benzin idxal olunmayıb. Əhalənin təminatı zavoddakı təxminən 80 min ton həcmində qalıq ehtiyat hesabına təmin olunub".

Qeyd edək ki, iyulun 2-dən 3-nə keçən gecə "Azərbaycan" İES-də baş vermiş qəza ilə əlaqədar olaraq SOCAR-ın quru mədənlərində iş rejimi müvəqqəti olaraq pozulmuşdu. Eləcə də Qaz İxrac İdarəsinin Kompressor stansiyalarının, Neft Emalı Zavodu, "Azərikimya" İB-nin müəssisələri, Qaz Emalı Zavodunda elektrik enerjisinin kəsilməsi nəticəsində müəssisələrin fəaliyyəti qəza rejimində dayandırılmışdı.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.