Ölkə

Nazir: "Tikintilərdə qeyri-rəsmi məşğulluqla əlaqədar monitorinqlər aparılır"

11 İyul 2018 13:34

0 Şərh Baxış: 950

#CƏMİYYƏT #TİKİNTİ

Azərbaycanda qeyri-rəsmi məşğulluqla bağlı vəziyyət nəzarətimizdədir. Tikintilərdə qeyri-rəsmi məşğulluqla əlaqədar monitorinqlər aparılır.

Milli.Az APA-ya istinadən xəbər verir ki, bunu əmək və əhalinin sosial müdafiəsi naziri Sahil Babayev bu gün keçirdiyi mətbuat konfransında bildirib.

Onun sözlərinə görə, həmin yerlərdə müqaviləsiz işə cəlbetmə halları aşkar edildikdə cəza tədbirləri görülür".

Nazir xatırladıb ki, prezident İlham Əliyevin "Sahibkarlıq sahəsində aparılan yoxlamaların dayandırılması haqqında" qanun imzalayıb və qanun 2021-ci ilədək sahibkarlıq sahəsində yoxlamaların aparılmamasını nəzərdə tutur: "Bu sahibkarlığın inkişafına stimul verir. Biz çalışırıq ki, yoxlamaları elektron sistemlər vasitəsilə edək. Yəni, məmur-vətəndaş təması olmasın. Bu sahədə çox ciddi işlər görülür. Yaxın müddətdə görülən işlərin nəticəsi açıqlanacaq".

Milli.Az