Ölkə

Azərbaycan və BMT 18 milyon dollarlıq layihələr reallaşdırmağı planlaşdırır

12 İyun 2018 16:37
Baxış: 475

2018-ci ildə Azərbaycan və BMT Tərəfdaşlıq barədə çərçivə sazişi çərçivəsində 18 milyon dollardan çox məbləğdə layihələr reallaşdırmağı planlaşdırır.

Milli.Az Trend-ə istinadən xəbər verir ki, bunu saziş çərçivəsində yaradılmış idarəetmə komitəsinin iclasında Azərbaycan iqtisadiyyat nazirinin müavini Sevinc Həsənova deyib.

Onun sözlərinə görə, 2017-ci ildə bu sənəd çərçivəsində 16,5 milyon dollar məbləğində layihələr icra olunub.

Nazir müavini xatırladıb ki, layihələrin ümumi məbləği 72 milyon dollar təşkil edir:

"Bu platforma çərçivəsində 47 layihə reallaşdırılıb. Bunlar 3 sahəni əhatə edir: iqtisadiyyatın şaxələndirilməsi və layiqli əməyin təmin olunması; institusional potensialın artırılması, vətəndaşlara göstərilən xidmətlərin keyfiyyətinin artırılması; ekoloji problemlərlə bağlı risklərin qiymətləndirilməsi, bu sahədə idarəetmənin təkmilləşdirilməsi".

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.