Ölkə

Bu, sosial ədalət prinsipinə uyğun deyil - Sosial mənzillərin verilməsi ilə bağlı yeni təklif

21 May 2018 12:57
2 Şərh     Baxış: 1 827

Sosial mənzillərin satışı ilə bağlı mayın 7-də keçirilmiş seçim mərhələsinin nəticələri ləğv edildikdən sonra seçim meyarlarının təkmilləşdirilməsi və yeni mexanizmlərinin tətbiqi daha da aktuallaşıb.

Milli.Az xəbər verir ki, bunu tanınmış iqtisadçı-ekspert, İqtisadi və Sosial İnkişaf Mərkəzinin (CESD) sədri Vüqar Bayramov bildirib.

Ekspertin fikrincə, güzəştli mənzil seçimində "first-come, first-served" prinsipi seçimdə ədalətin təmin edilməsi üçün yetərli deyil: "Belə görsənir ki, kompüterdə daha cəld işləyə bilənlər ev seçimində daha çox üstünlüyə malikdir. Halbuki, bu yanaşma sosial meyar deyil, daha çox texniki vərdişlərlə bağlıdır və güzəştli mənzil seçimində sosial mexanizimlərinin tətbiqinə ehtiyac var.

Təssəvür edin ki, həyat yoldaşını itirmiş və himayəsində uşaqlar olan xanım kompüterdən cəld istifadə edə bilmədiyinə görə sosial evə sahib olmaqdan mərhum olur. Bu, təbii ki, sosial ədalət prinsipinə uyğun deyil".

V.Batramov vəziyyətdən çıxış yolu üçün təklif də verib: "Güzəştli kateqoriya prinisipi saxlanılmaqla "çevik seçim" mexanizmdən sosial meyarlara keçid həyata keçirilməlidir. Təxminən 8 minə yaxın vətəndaşımız sosial mənzilə sahib olmaq istəyir. Daha məqsədəuyğun olardı ki, Mənzil İnşaatı Dövlət Agentliyi müraciətlərinin sosial struktruna uyğun olaraq seçim meyarları müəyyənləşdirsin. Müraciətlər sosial kriteriyaya uyğun olaraq qruplaşdırılmalıdır. İlkin olaraq daha çox sosial dəstəyə ehtiyacı olan vətəndaşlar evlə təmin edilməlidir.

Birinci mərhələdə mənzili olmayan şəhid ailələri, ailə başçısını itirmiş ailələr və mənzili olmayan elmlər doktorlarına mənzillər təklif edilə bilər. Xüsusən də, himayəsində azyaşlı uşaqları olan həyat yoldaşını itirmiş xanımlara belə imkan yaradılması məqsədə uyğundur. Çünki həmin ailələrin daha çox sosial qayğıya ehtiyacı olduğundan onların mənzil probleminin ilk növbədə həll edilməsi vacibdir. Çoxuşaqlı, evi olmayan aztəminatlı ailələr də prioritet qrupa daxil oluna bilər. Sonrakı mərhələdə isə digər sosial qrupların güzəştli mənzillərdən istifadə imkanı verilməlidir. Bütövlükdə, mənzil bölgüsündə ardıcıllığın texniki deyil, sosial meyarlar üzrə müəyyənləşdirilməsinə ehtiyac var".

İlkin İzzət
Milli.Az

loading...

Şərh yaz:

2 Şərh:

  • Anonim
    Kami · 21 May 2018 13:3700

    Yaxwi fikirlerdir. Amma hemcinin guzewtli kateqoriyalara aid insanlardan kimlerin hal-hazirda kirayede qaldiqlari da nezere alinmalidir, mence. Cunki hemen wexsler, faktiki olaraq, evsizdirler.

    Cavab yaz
  • Anonim
    Vətəndaş · 21 May 2018 14:2800

    Şəhid ailəsinə mənzil niyə pulla satılmalıdır? Pulla gedib döyüşüb şəhid olub? Dövlət onlar mənzili hamıdan qabaq və şəhərin ən gözəl yerində verməlidir.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.