İctimai Televiziyanın şöbə müdiri və aparıcısı Vəsilə Vahidqızı Diasporla İş üzrə Dövlət Komitəsinin mətbuat katibi vəzifəsinə təyin olunub.
Dövlət Komitəsindən Milli.Az-a verilən məlumata görə, qurum bundan sonra da dünyanın müxtəlif ölkələrindəki diaspor təşkilatları, Azərbaycan icmaları və ayrı-ayrı soydaşlarımızın fəaliyyəti bağlı ictimaiyyəti məlumatlandırmaqda davam edəcək.
Vəsilə Vahidqızı
Qeyd edilir ki, Dövlət Komitəsi İTV ilə birgə ixtisaslaşmış televiziya proqramını tamaşaçılara təqdim etməyi planlaşdırır. Bu layihə çərçivəsində Vəsilə Vahidqızı İTV ilə əməkdaşlığını davam etdirəcək.
Xatırladaq ki, bundan əvvəl Diasporla İş üzrə Dövlət Komitəsinin mətbuat katibi vəzifəsini Esmira Xəlilova icra edirdi. O, bundan sonra da Komitədə fəaliyyətini davam etdirəcək.
Yusif Nəsirli
Milli.Az