Ölkə

Məktəb direktoru: "Qardaşından hamilə qaldığı deyilən qız and-aman edir ki..."

19 Aprel 2018 12:02
20 Şərh     Baxış: 17 448
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Hacıqabul rayonu Meyniman kənd məktəbinin 7-ci sinif şagirdinin ögey qardaşından 4 aylıq hamilə olması xəbəri yayılıb.

Milli.Az xəbər verir ki, baş verən dəhşətli hadisə ilə bağlı sözügedən təhsil ocağının direktoru Elman Abdullayev yenicag.az-a açıqlama verib:

"Əvvələn, qız 7-ci yox, 9-cu sinif şagirdidir. Qızın atası çoxdan rəhmətə gedib, anası ikinci dəfə ailə həyatı qurub. Ögey atasının iki övladı var: qızı ərə gedib, oğlu da əsgərlikdən qayıdıb. Nümunəvi ailə olub. Adı hallanan bu qız çox abırlı-həyalı şagird olub, hələ onun barəsində mənfi fikir eşitməmişik. Çox da yaxşı oxumur, amma arzusu kollecə daxil olmaqdır. Biz onun qarnının böyüməsini hiss etməmişik. Dünən müəlliməmiz də yanına getmişdi, qız and-aman edir ki, belə şey yoxdur. Oğlan da ağıllı oğlandır, özünə ev tikdirir, zəhmətlə yaşayan uşaqdır. O da and içir ki, mənlik deyil. İşi hüquq mühafizə orqanları araşdırır. Biz qabaqcadan heç nə deyə bilmərik. Kənd yeridir, adət-ənənə, mentalitetimiz var, həssas məsələdir, burada qızın gələcək taleyini də düşünmək lazımdır. Ehtimal var ki, qızı şərləyirlər. Ailə də, məktəbimizin kollektivi də bu xəbərə inanmır".

Hacıqabul Rayon Polis Şöbəsindən bildirildi ki, bacısı ilə intim əlaqədə olan qardaş artıq həbs edilib. Cinayət işinin istintaqını prolurorluq aparır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.