Ölkə

Azərbaycanda əhalinin təqribən 8 faizində bronxial astma müşahidə olunur

13 Aprel 2018 12:05
Baxış: 1 168

Dünyada olduğu kimi Azərbaycanda da bronxial astma daha çox yayılıb. Azərbaycanda əhalinin təqribən 5-8 faizində bronxial astma müşahidə olunur.

Milli.Az Trend-ə istinadən xəbər verir ki, bunu Səhiyyə Nazirliyinin baş allerqoloqu Cəbrayıl Məmmədov bu gün keçirdiyi mətbuat konfransında deyib.

Onun sözlərinə görə, yazın gəlişi ilə əlaqədar allergik xəstəliklər çox müşahidə olunur. Həm böyüklər, həm də kiçiklər arasında ən çox rast gəlinən allergik xəstəliklər isə pollinozdur: "Belə xəstələrin burnunda daim selik olur, dəfələrlə asqırır. Xəstəlik hətta bronxial astmaya səbəb olur".

Baş allerqoloqun sözlərinə görə, çox vaxt insanlar allergik xəstəlikləri virus xəstəlikləri, qrip kimi qəbul edirlər və buna görə də xəstələri səhvən antibiotiklərlə müalicə edirlər:

"Allergik xəstəliklərdən fərqli olaraq qrip zamanı tərləmələr də olur. Xəstələr vaxtında allerqoloqa müraciət etsələr, sonda onların vəziyyəti ağırlaşmaz və astmadan da əziyyət çəkməzlər. Nəmlik olan ərazilərdə astma yaradan "ev gənələri" bu xəstəliyə irsi meyilliyi olan insanlarda astmanın yaranmasına imkan verir".

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.