Ölkə

İtkin düşən şəxs meşədə asılmış vəziyyətdə tapıldı

2 Aprel 2018 16:42
1 Şərh     Baxış: 1 290

Oğuzda iki həftədən çoxdur itkin düşən şəxsin meyiti meşədə ağacdan asılı vəziyyətdə tapılıb.

Milli.Az APA-ya istinadən xəbər verir ki, bu gün saat 11 radələrində rayonun Xaçmaz kənd sakini, 1994-cü il təvəllüdlü Qoxmaz Qurbanəli oğlu İsmayılovun meyiti yaşadığı kəndin inzibati ərazisində, Qala çayın sahilində meşəlik-kolluq ərazidə atası tərəfindən ağacdan asılı vəziyyətdə aşkar edilib.

Son vaxtlar əsəb xəstəliyindən əziyyət çəkən 24 yaşlı Qorxmaz İsmayılovun intihar etdiyi məlum olub.

Məlumatda bildirilir ki, Qorxmaz İsmayılov martın əvvəllərində naməlum istiqamətə gedib və bir daha geri qayıtmayıb. Qorxmaz İsmayılovun anası itkin düşən oğlunu tapmaq üçün Xəzət TV-də yayımlanan "Səni axtarıram" verilişinə də müraciət edib.

Faktla bağlı Oğuz rayon Prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.

Milli.Az

Şərh yaz:

1 Şərh:

  • Anonim
    Yağmur-S · 2 Aprel 16:5110

    Hara gedir axırımız??? Yarımızı şaqmanlar qırır, yarımızıda intihar.....Allah günahlarını bağışlasın,

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.