Ölkə

Azərbaycanda müəmmalı olay - Öldü bilinən gənc necə dirildi? - FOTO

12 Mart 2018 12:13
4 Şərh     Baxış: 6 528

Qazax rayonunda ötən ayın əvvəllərində mətbuatda ölüm xəbəri yayılan Elçin İsgəndərovun yaxınları bildiriblər ki, hadisə KİV-lərdə yazıldığı kimi baş verməyib. Yəni Elçin özünü suvarma kanalına atmayıb.

Yaxınları onu da vurğulayıblar ki, E.İsgəndərov ölməyib, boynu qırılıb və sinir sistemi iflic olub. Həmçinin bu hadisədə bir çox müəmmaların olduğu da iddia

Milli.Az xəbər verir ki, Elçinin Sputnik Azərbaycan-a danışan atası Elşən İsgəndərov hadisə baş verən gün, yəni fevralın 3-də oğlunun dostlarından birinin "ciyər axşamı" məclisinə getdiyini və hadisənin də orada baş verdiyini deyib.

"Son dəfə danışanda axşam saat 8 olardı. Zəng edib dedi ki, toya geyinməyə filan paltarımı hazırlayın. Nə vaxt gələcəyini soruşduq, yarım saata gələcəyini dedi. Aradan 20 dəqiqə keçməmiş mobil telefonuma zəng gəldi ki, Elçin özünü körpüdən atıb. Mən hadisə yerinə çatanda artıq təcili yardım gəlmişdi. Soruşdum nə olub, dedilər ki, Elçin özünü kanala atıb. Mən də təcili yardıma mindim. Ayıq idi, soruşdum nə olub, dedi: "xatırlamıram, deyirlər özümü kanala atmışam" - deyə atası danışıb.

Yataq vəziyyətində olan zərərçəkmişin özü isə hadisəni belə xatırlayır: "Gün ərzində toy evində olduq. Müəyyən işlərə kömək edirdim. Axşama doğru bir az içmişdim. Uşaqlardan biri mənə dedi ki, gedək, kanalın qırağında siqaret çəkək. Yola çıxdığım yadımdadır. Sonra isə bircə boynumun ağrısını xatırlayıram. Məni çıxaranlardan nə olduğunu soruşanda, "özünü kanala atıbsan" dedilər. Sonra yenə ağrıdan özümdən getmişəm".

Söhbət zamanı E.İsgəndərov son bir ilədək hərbçi olduğunu, heç vaxt özünə qəsd haqqında fikirləşmədiyini vurğulayıb.

Elçinin anası Mehparə İsgəndərova övladının hadisə baş verəndən bir gün sonra Bakıya aparıldığını, 1 ay orda müalicə olunduğunu bildirib. Anasının sözlərinə görə, Elçinin iki boyun fəqərəsi qırıldığından boyun hissəsinə titan mil qoyulub. Onurğa beyni zədələndiyindən sinir sistemi iflic olub. Əllərini qismən hərəkət etdirə bilsə də, ayaqlarında cüzi hissiyyat var.

M.İsgəndərova deyib ki, Elçini müalicəsini Bakıda davam etdirməyə imkanları olmadığı üçün Qazaxa qaytarıblar. Həkimlər isə ailəyə bildirib ki, əgər iki ay ərzində lazım olan müalicə kursunu keçməsə, ayaqlarında olan hissiyyat tamamilə itəcək və o, ömürlük yataq xəstəsi qalacaq.

"Həkimlər sağ olsunlar, əllərindən gələn köməkliyi göstərdilər. İki ay ərzində ev şəraitində müalicə almalı, masaj edilməli olduğunu dedilər. Lakin masaj etmək üçün lazım olan "Qalantamin" dərmanı heç yerdə tapılmır. Gürcüstandan da soraqlamışıq. Deyirlər, ancaq Rusiyadan tapa bilərsiz. Ora ilə da əlaqəmiz yoxdur ki, bizə bir istiqamət göstərsinlər" - deyib çarəsiz ana.

M.İsgəndərova həyat yoldaşının övladının müalicəsi üçün kənd sakinlərindən borc istəyini də bildirib: "Atası "Balamın tamam iflic olmaması üçün 2 ay vaxtımız var, imkanlı şəxslərdən yardım istəyirik" - deyə hər kəsdən kömək istəyir".

Onu da bildirək ki, hadisə ilə bağlı Qazax Rayon Prokurorluğunda 125.1 (özünü öldürmə həddinə çatdırma) maddəsi ilə cinayət işi başlanıb. Lakin valideynlərin iddiasına əsasən, cinayət işinin 126.1 (Qəsdən sağlamlığa ağır zərər vurma) maddəsi ilə dəyişdiriləcəyi bildirilir.

Milli.Az

Məqaləyə dair fotomateriallar:

loading...

Şərh yaz:

4 Şərh:

  • Anonim
    gül... · 12 Mart 14:4710

    apteklerde nivalin adl; derman var. terkibi qalantamindi.hemn tablet hem de iyne formasinda. ondan istifade etmek olar. Allah komeyi olsun.

    Cavab yaz
  • Anonim
    Narcis · 12 Mart 14:5620

    Allah yardimcisi olsun.amin

    Cavab yaz
  • Anonim
    Raul_Moskva · 12 Mart 15:5660

    Men o lazım olan dermanı Moskova’dan alib gondermeye hazıram Xaış edırem adres ya elage nomresı goyasuz!!

    Cavab yaz
  • Anonim
    АLEKS❤ · 12 Mart 18:4120

    Gözlərim doldu....həm müəyyən hadisələr gəldi gözüm önünə həm də xeyirxah Raul qardaşımın hərəkəti...qəlbim göynədi.şükürlər olsun Yaradana insanlığımızı,yardımsevərliliyimizi qoruyub saxlıya bilmişik.bankda şot nömrələri varsa bildirsinlər Allaha xatir yardımsevərlər kömək etsinlər.hörmətli Milli.az.bu məsələ,məlumat barədə biz şərhçilərə məlumatınızı əsirgəməyin,rica edirəm bizi məlumatsız qoymayın.mən kövrək adamam bu ricanı da sizlərdən göz yaşları ilə diləyirəm...acını ancaq çəkənlər bilər...ALEKS@

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.